|    Dec 15 Fri, 2017 9:15 pm
FLASH NEWS

നബിദിന ഘോഷയാത്രയ്ക്കു നേരെ അക്രമം: രമേശ് ചെന്നിത്തല അപലപിച്ചു

Published : 3rd December 2017 | Posted By: kasim kzm

മലപ്പുറം: തിരൂര്‍ ഉണ്യാലില്‍ നബിദിനഘോഷയാത്രക്കുനേരെ സിപിഎം പ്രവര്‍ത്തകര്‍ നടത്തിയ ആക്രമണത്തെ പ്രതിപക്ഷ നേതാവ് രമേശ് ചെന്നിത്തല അപലപിച്ചു. കുട്ടികള്‍ നടത്തിയ നബിദിന ഘോഷയാത്രക്കുനേരെ നടന്ന അക്രമത്തില്‍ നിഗൂഢതയുണ്ട്. അതുകൊണ്ട് തന്നെ സംഭവത്തെക്കുറിച്ച് ജുഡീഷ്യല്‍ അന്വേഷണം നടത്തണമെന്നും രമേശ് ചെന്നിത്തല ആവശ്യപ്പെട്ടു.
ഗെയില്‍ പൈപ്പ്‌ലൈനിനെതിരേ ജനകീയ സമരം നടത്തിയവരെ ഏഴാം നൂറ്റാണ്ടിലെ പ്രവാചകന്റെ കാലത്തെ ഇരുണ്ട യുഗമെന്ന് ആക്ഷേപിച്ചവര്‍ തന്നെയാണ് ഈ അക്രമണത്തിന് പിന്നിലെന്നും രമേശ് ചെന്നിത്തല പറഞ്ഞു. സംഘപരിവാറിന്റെ ബി ടീമായാണ് കേരളത്തില്‍ സിപിഎം പ്രവര്‍ത്തിക്കുന്നതെന്ന ശക്തമായ സൂചനയാണ് നബിദിനഘോഷയാത്രക്കുനേരെ നടത്തിയ ആക്രമം. കുട്ടികള്‍ക്ക് മാത്രമല്ല നിരവധി മുതിര്‍ന്ന ആളുകള്‍ക്കും അവിടെ വെട്ടേറ്റിട്ടുണ്ട്. അക്രമികള്‍ക്കെതിരേ ശക്തമായ നടപടി വേണം. സിപിഎം ഭരണത്തില്‍ കീഴില്‍ നടക്കുന്ന പൊലിസ് അന്വേഷണം ഫലപ്രദമാവില്ലന്ന ആശങ്ക എല്ലാ ഭാഗത്ത് നിന്നുമുണ്ട്. അതുകൊണ്ടുതന്നെ ജുഡീഷ്യല്‍ അന്വേഷണത്തിലൂടെ മാത്രമെ യഥാര്‍ഥ പ്രതികളെ പുറത്തുകൊണ്ടുവരാന്‍ കഴിയുകയുള്ളുവെന്നും രമേശ് ചെന്നിത്തല പറഞ്ഞു.

വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക