|    Nov 17 Sat, 2018 3:35 am
FLASH NEWS
Home   >  News now   >  

നദാലിനെ വീഴ്ത്തി ജോക്കോവിച്ച് ഫൈനലില്‍

Published : 15th July 2018 | Posted By: vishnu vis

ലണ്ടന്‍: നിലവിലെ ലോക ഒന്നാം നമ്പര്‍ താരം സ്‌പെയിനിന്റെ റാഫേല്‍ നദാലിനെ പരാജയപ്പെടുത്തി മുന്‍ ലോക ഒന്നാം നമ്പര്‍ താരം സെര്‍ബിയയുടെ നൊവാക് ജോക്കോവിച്ച് ഫൈനലില്‍. വെള്ളിയാഴ്ച രാത്രി ആരംഭിച്ച രണ്ടാം സെമി സാങ്കേതിക പ്രശ്‌നം മൂലം ഇന്നലെ പുനരാരംഭിച്ചു. തുടര്‍ന്ന് അഞ്ച് സെറ്റ് നീണ്ട ഈ മല്‍സരങ്ങള്‍ക്കൊടുവിലാണ് ടൂര്‍ണമെന്റിന്റെ രണ്ടാം സീഡും രണ്ട് തവണ വിംബിള്‍ഡണ്‍ കിരീടത്തിനവകാശിയുമായ നദാലിനെ മുന്‍ വിംബിള്‍ഡണ്‍ ചാംപ്യന്‍ തോല്‍പിച്ചത്. സ്‌കോര്‍ 6-4, 3-6, 7-6,3-6,10-8. ഒന്നാം സെറ്റും മൂന്നാം സെറ്റും ജോക്കോവിച്ചും രണ്ടും നാലും നദാലും സ്വന്തമാക്കിയതോടെ അവസാന സെറ്റ് ഇരു താരങ്ങളുടെയും ഫൈനല്‍ പ്രതീക്ഷയായി. എന്നാല്‍ ഈ സെറ്റില്‍ ഇരുവരും തുല്യ ശക്തികളെപ്പോലെ പോരാട്ടം തുടര്‍ന്നപ്പോള്‍ സെറ്റ് 8-8ന്റെ സമനിലയില്‍. എന്നാല്‍ തുടര്‍ച്ചയായി അടുത്ത രണ്ട് പോയിന്റ് നേടി ജോക്കോവിച്ച് ഫൈനല്‍ ടിക്കറ്റെടുക്കുകയും ചെയ്തു. ഈ പോരാട്ടം അഞ്ച് മണിക്കൂറും 21 മിനിറ്റും നീണ്ടു. അമേരിക്കയുടെ ജോണ്‍ ഇസ്‌നറിനെ പരാജയപ്പെടുത്തിയ ദക്ഷിണാഫ്രിക്കയുടെ കെവിന്‍ ആന്‍ഡേഴ്‌സനാണ് ഫൈനലില്‍ ജോക്കോവിച്ചിന്റെ എതിരാളി. അഞ്ച് സെറ്റ് ദൈര്‍ഘ്യമേറിയ  മല്‍സരത്തിനൊടുവിലാണ് ആന്‍ഡേഴ്‌സന്‍ ഇസ്‌നറെ പരാജയപ്പെടുത്തി ഫൈനല്‍ ടിക്കറ്റ് സ്വന്തമാക്കിയത്. സ്‌കോര്‍ 7-6, 6-7, 6-7, 6-4, 26-24.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss