|    Apr 22 Sun, 2018 10:39 am
FLASH NEWS
Home   >  Todays Paper  >  page 12  >  

നടി ആക്രമിക്കപ്പെട്ട കേസ്: ദിലീപിന് വിദേശത്ത് പോവാന്‍ അനുമതി

Published : 17th April 2018 | Posted By: kasim kzm

കൊച്ചി: യുവനടിയെ തട്ടിക്കൊണ്ടുപോയി ആക്രമിച്ച കേസില്‍ വിചാരണ നേരിടുന്ന ചലച്ചിത്ര നടന്‍ ദിലീപിനു വിദേശത്തേക്കു പോവാന്‍ കോടതി അനുമതി നല്‍കി. എറണാകുളം അഡീഷനല്‍ സെഷന്‍സ് ജഡ്ജി ബിജു മേനോനാണ് ഏപ്രില്‍ 25 മുതല്‍ മെയ് 4 വരെ ദുബയ്, സിംഗപ്പൂര്‍ എന്നിവിടങ്ങളിലേക്കു പോവാന്‍ ദിലീപിന് അനുമതി നല്‍കിയത്.
വിദേശത്തു പോവുന്നതിന് അനുമതി തേടി പാസ്‌പോര്‍ട്ട് വിട്ടുകിട്ടണമെന്നാവശ്യപ്പെട്ടു സമര്‍പ്പിച്ച ഹരജി കോടതി അനുവദിക്കുകയായിരുന്നു. പുതിയ സിനിമയുടെ റിലീസുമായി ബന്ധപ്പെട്ട ചടങ്ങുകളില്‍ പങ്കെടുക്കുന്നതിനാണ് ദിലീപ് കോടതിയുടെ അനുമതി തേടിയത്. കേസില്‍ ജാമ്യം ലഭിച്ച ശേഷം രണ്ടാംതവണയാണ് ദിലീപ് വിദേശയാത്രയ്ക്ക് അനുമതി തേടി കോടതിയെ സമീപിക്കുന്നത്. കേസ് മെയ് 21നു വീണ്ടും പരിഗണിക്കും.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Dont Miss