|    Jan 23 Mon, 2017 8:29 pm
FLASH NEWS

നടന്‍ സുധാകരന് യാത്രാമൊഴി

Published : 6th January 2016 | Posted By: SMR

കോഴിക്കോട്: കഴിഞ്ഞ ദിവസം അന്തരിച്ച നടനും സാംസ്‌കാരിക പ്രവര്‍ത്തകനുമായ ടി സുധാകരന് നഗരം യാത്രാമൊഴി ചൊല്ലി. മരിക്കുന്നതിന് ദിവസങ്ങള്‍ക്കു മുന്‍പ് സുധാകരന്‍ പുഞ്ചിരിച്ചു കടന്നുവന്ന ആര്‍ട് ഗാലറിയുടെ പൂമുഖത്ത് മൃതദേഹം പ്രദര്‍ശനത്തിനു വച്ചപ്പോള്‍, സുഹൃത്തുക്കളുടെ കണ്ണുകള്‍ ഈറനണിഞ്ഞു. രാവിലെ ഒന്‍പത് മണിയോടെയാണ് മൃതദേഹം ആര്‍ട്ട് ഗാലറിയില്‍ എത്തിച്ചത്.
അന്ത്യോപചാരം അര്‍പ്പിക്കുന്നതിനായി സുഹൃത്തുക്കളും സഹപ്രവര്‍ത്തകരും നേരത്തേ തന്നെ ആര്‍ട്ട് ഗാലറിയില്‍ എത്തിയിരുന്നു.
കോഴിക്കോട്ടെ മുതിര്‍ന്ന ചലച്ചിത്ര നടന്‍ നാരായണന്‍ നായര്‍, സംവിധായകനും നടനുമായ ജോയ് മാത്യു, വിഎം വിനു, നാടക സിനിമാ പ്രവര്‍ത്തകരായ കുട്ട്യേടത്തി വിലാസിനി, എല്‍സി സുകുമാരന്‍, മെഹബൂബ്, അര്‍ഹം റാസ, രാഘവന്‍ പുറക്കാട്, സാവിത്രി ശ്രീധര്‍, എ.ശാന്തകുമാര്‍, ജയപ്രകാശ് കാര്യാല്‍, വിജേഷ് പുതിയറ, സന്തോഷ് നിലമ്പൂര്‍, അജിത നമ്പ്യാര്‍, കെ ആര്‍ മോഹന്‍ദാസ്, സീമ ഹരിദാസ്, ചിത്രകാരന്‍മാരായ പോള്‍ കല്ലാനോട്, സുനില്‍ അശോകപുരം, അജയന്‍ കാരാടി തുടങ്ങിയവര്‍ അന്ത്യോപചാരം അര്‍പ്പിക്കാന്‍ എത്തിയിരുന്നു. എംഎല്‍എ മാരായ എ പ്രദീപ് കുമാര്‍, പുരുഷന്‍ കടലുണ്ടി എന്നിവരും ആര്‍ട്ട് ഗാലറിയില്‍ എത്തി. പൊതുദര്‍ശനത്തിനു ശേഷം വെസ്റ്റ് ഹില്‍ സ്മശാനത്തില്‍ സംസ്‌കാരം നടന്നു. വൈകീട്ട് ടൗണ്‍ ഹാളില്‍ നടന്ന അനുശോചന യോഗത്തില്‍ വിവിധ തുറകളില്‍ ഉള്ളവര്‍ പങ്കെടുത്തു.

Share on FacebookShare on Google+Tweet about this on TwitterShare on LinkedIn
(Visited 58 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക