|    Mar 26 Sun, 2017 3:17 am
FLASH NEWS

നജ്‌റാനില്‍ സ്‌ഫോടനം നടത്തിയ ആളെ തിരിച്ചറിഞ്ഞു

Published : 29th October 2015 | Posted By: SMR

ജിദ്ദ: നജ്‌റാനില്‍ ദഹ്ദ സ്ട്രീറ്റിലുള്ള പള്ളിയില്‍ സ്‌ഫോടനം നടത്തിയ വ്യക്തിയെ തിരിച്ചറിഞ്ഞു. സഅദ് സഈദ് അല്‍ഹാരിഥി എന്ന 35കാരനായ സൗദി പൗരനാണ് ബെല്‍റ്റ് ബോംബണിഞ്ഞ് സ്‌ഫോടനം നടത്തിയതെന്നു സൗദി ആഭ്യന്തരമന്ത്രാലയം അറിയിച്ചു.
കഴിഞ്ഞ തിങ്കളാഴ്ച മഗ്‌രിബ് നമസ്‌കാരം കഴിഞ്ഞു ജനങ്ങള്‍ പുറത്തിറങ്ങുന്നതിനിടെ അക്രമി പള്ളിയിലേക്കു കയറി പൊട്ടിത്തെറിക്കുകയായിരുന്നു.
നമസ്‌കരിക്കാനെത്തിയ രണ്ടു പേര്‍ മരിക്കുകയും 25 പേര്‍ക്കു പരിക്കേല്‍ക്കുകയും ചെയ്തതായി മന്ത്രാലയം വ്യക്തമാക്കി. ഒരാളുടെ മരണമായിരുന്നു നേരത്തേ മന്ത്രാലയം സ്ഥിരീകരിച്ചിരുന്നത്. പരിക്കേറ്റ ഒരാള്‍ കൂടി മരണപ്പെട്ടതായി പിന്നീട് മന്ത്രാലയം വ്യക്തമാക്കി. പരിക്കേറ്റവര്‍ നജ്‌റാന്‍ ആശുപത്രിയിലാണു ചികില്‍സയിലുള്ളത്. നിരവധി പേര്‍ രക്തം നല്‍കുന്നതിന് ആശുപത്രിയിലെത്തി.
സ്‌ഫോടനത്തിന്റെ ഉത്തരവാദിത്തം ഐഎസ് ഏറ്റെടുത്തു. അബു ഇസ്ഹാഖ് അല്‍ ഹിജാസിയാണ് സ്‌ഫോടനം നടത്തിയതെന്ന് സോഷ്യല്‍ മീഡിയ വഴി ഐഎസ് അറിയിച്ചു. ആക്രമണത്തില്‍ കൊല്ലപ്പെട്ടവരുടെ മൃതദേഹങ്ങള്‍ നജ്‌റാനില്‍ മറവുചെയ്തു.

(Visited 50 times, 1 visits today)
thanur-inner                            
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക