|    Sep 24 Mon, 2018 2:31 am
FLASH NEWS

നഗരസഭ ചെയര്‍പേഴ്‌സനും വൈസ് ചെയര്‍മാനും രാജിവച്ചു

Published : 13th May 2017 | Posted By: fsq

 

ഏലൂര്‍: ഇടതുമുന്നണിയിലെ മുന്‍ധാരണ പ്രകാരം ഏലൂര്‍ നഗരസഭ ചെയര്‍പേഴ്‌സന്‍ സിപിഐയുടെ സിജി ബാബുവും വൈസ് ചെയര്‍മാന്‍ സിപിഎമ്മിലെ എ ഡി സുജിലുമാണ് രാജിവച്ചത്. ഇന്നലെ രാവിലെ 11ന് ഇരുവരും നഗരസഭ സെക്രട്ടറിക്ക് രാജിക്കത്ത് നല്‍കിയത്. ഇടതു മുന്നണിയിലെ ധാരണപ്രകാരം എറണാകുളം ജില്ലയില്‍ സിപിഐയ്ക്ക് ലഭിച്ച നഗരസഭയാണ് ഏലൂര്‍. സിപിഐക്ക് ജില്ലയില്‍ ഏറ്റവും കൂടുതല്‍ കൗണ്‍സിലര്‍മാരുള്ള നഗരസഭ എന്ന നിലയിലാണ് ഏലൂര്‍ നഗരസഭ ചെയര്‍പേഴ്‌സന്‍ സ്ഥാനം സിപിഐയ്ക്ക് വിട്ടുനല്‍കിയത്. ധാരണപ്രകാരം ആദ്യത്തെ ഒന്നരവര്‍ഷം സിപിഐയ്ക്കും ബാക്കി മൂന്നരവര്‍ഷക്കാലം സിപിഎമ്മിനുമാണ് ചെയര്‍പേഴ്‌സന്‍ സ്ഥാനം. ഈ ധാരണപ്രകാരമാണ് സിജി ബാബു ആദ്യ ഒന്നരവര്‍ഷം നഗരസഭ ചെയര്‍പേഴ്‌സനായത്. അടുത്ത ചെയര്‍പേഴ്‌സനെ ഇന്ന് കൂടുന്ന ഏരിയ കമ്മിറ്റി തീരുമാനിക്കുമെന്നാണ് അറിയുന്നത്. നഗരസഭയിലെ വികസനകാര്യ സ്റ്റാന്റിങ് കമ്മിറ്റി അംഗം സി പി ഉഷ അടുത്ത നഗരസഭ ചെയര്‍പേഴ്‌സനാവുമെന്നാണ് അറിയുന്നത്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss