|    Apr 24 Tue, 2018 10:43 am
FLASH NEWS

നഗരസഭാ മാളിനു തടസ്സം; പഴയ കെട്ടിടം പൊളിച്ചുമാറ്റുന്നു

Published : 2nd April 2018 | Posted By: kasim kzm

മട്ടന്നൂര്‍: കോടികള്‍ മുടക്കി നിര്‍മിച്ച നഗരസഭ മാളിന് വിലങ്ങുതടിയാവുന്ന പഴയ കെട്ടിടം പൊളിച്ചുമാറ്റുന്നു. അടുത്ത മാസത്തോടെ കെട്ടിടം പൊളിച്ചുനീക്കാനാണ് നഗര സഭയുടെ തീരുമാനം. ഇതിനു വേണ്ട എസ്റ്റിമേറ്റ് തയ്യാറാക്കിക്കഴിഞ്ഞു. അപകടത്തിലായ കെട്ടിടത്തിലെ വ്യാപാരികളെ ഒഴിപ്പിച്ച് മാസം നാലായിട്ടും കെട്ടിടം പൊളിച്ചുമാറ്റാത്തതു കാരണം നഗരസഭയ്ക്കു മാസത്തില്‍ ലക്ഷങ്ങളുടെ നഷ്ടമാണ് ഉണ്ടാക്കുന്നത്.
പലരും മാളില്‍ മുറിയെടുത്തെങ്കിലും പഴയ കെട്ടിടം പൊളിച്ചുമാറ്റാത്തതു കാരണം ഇതുവരെ കച്ചവടം തുടങ്ങിയില്ല. കഴിഞ്ഞ നഗരസഭ ഭരണസമിതിയുടെ കാലത്താണ് പഴയ ടാക്‌സി സ്റ്റാന്റില്‍ 7 കോടിയോളം രൂപ മുടക്കി മുന്നുനില കെട്ടിടം പണികഴിപ്പിച്ചത്. നിര്‍മാണം പ്രവര്‍ത്തനം കരാര്‍ കാലാവധിക്കുള്ളില്‍ പൂര്‍ത്തീകരിച്ചെങ്കിലും മാള്‍ തുറന്നുകൊടുക്കാന്‍ മാസങ്ങള്‍ വേണ്ടിവന്നു.
എകദേശം 50ഓളം ഷോപ്പുകളാണ് മാളിനുള്ളില്‍ ഒരുക്കിയത്. എന്നാല്‍ മാള്‍ ഉദ്ഘാടനം കഴിഞ്ഞ് മാസങ്ങള്‍ കഴിഞ്ഞെങ്കിലും മുന്നുപേര്‍ മാത്രമാണ് കച്ചവടം നടത്തുന്നത്. നിലവില്‍ മുറിയെടുത്തവര്‍ പഴയ കെട്ടിടം പൊളിച്ചുമാറ്റിയാല്‍ മാത്രമേ കച്ചവടം നടത്താന്‍ കഴിയുമെന്ന് നഗരസഭ അറിയിച്ചിട്ടുണ്ട്.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Dont Miss