|    May 23 Wed, 2018 2:47 am
FLASH NEWS

നഗരസഭാ കൗണ്‍സില്‍ യോഗത്തില്‍ ഹെല്‍മറ്റ് ധരിച്ച് പ്രതിപക്ഷം ; വ്യത്യസ്ത സമരമുറയുമായി പ്രതിപക്ഷാംഗങ്ങള്‍ രംഗത്ത്‌

Published : 31st May 2017 | Posted By: fsq

 

പൊന്നാനി: പൊന്നാനി നഗരസഭാ കൗണ്‍സിലില്‍ വ്യത്യസ്ഥ പ്രതിഷേധവുമായി യുഡിഎഫ് കൗണ്‍സിലര്‍മാര്‍. കൗണ്‍സിലിലെ അക്രമ സംഭവങ്ങളില്‍ പ്രതിഷേധിച്ച് ഹെല്‍മെറ്റ് ധരിച്ചാണ് യുഡിഎഫ് കൗണ്‍സിലര്‍മാര്‍ കൗണ്‍സിലിലെത്തിയത്.കഴിഞ്ഞ മാസം പൊന്നാനി നഗരസഭാ കൗണ്‍സില്‍ യോഗത്തില്‍ യുഡിഎഫ് കൗണ്‍സിലര്‍മാരെ അക്രമിച്ചതില്‍ പ്രതിഷേധിച്ചാണ് വ്യത്യസ്ഥ സമരമുറയുമായി രംഗത്തിറങ്ങിയത്. യുഡിഎഫ് കൗണ്‍സിലര്‍മാരെ മര്‍ദ്ദിച്ച ഭരണപക്ഷ കൗണ്‍സിലര്‍മാര്‍ മാപ്പ് പറയണമെന്ന് ആവശ്യപ്പെട്ട് പ്രതിപക്ഷം സമരം ശക്തമാക്കുകയാണ്. സംഭവത്തിനു ശേഷം രണ്ടു തവണ ചെയര്‍മാന്‍ അനൗദ്യോഗിക ചര്‍ച്ച നടത്തിയെങ്കിലും മാപ്പ് പറയാന്‍ തയ്യാറാവാതിരുന്നതോടെ പ്രതിപക്ഷവും പ്രതിഷേധം കടുപ്പിച്ചു. തുടര്‍ന്ന് വികസന സെമിനാറിലേക്ക് മാര്‍ച്ച് നടത്തുകയും ചെയ്തിരുന്നു.രാവിലെ കൗണ്‍സില്‍ യോഗം ആരംഭിക്കുന്നതിന് മുമ്പ് തന്നെ ഹെല്‍മെറ്റ് ധരിച്ചാണ് സ്ത്രീകളടക്കമുള്ള കൗണ്‍സിലര്‍മാര്‍ കൗണ്‍സില്‍ ഹാളിലേക്കെത്തിയത്. തുടര്‍ന്ന് യോഗം ആരംഭിച്ചതോടെ പ്രതിപക്ഷ നേതാവ്  നിസാര്‍ എഴുന്നേറ്റ് നില്‍ക്കുകയും പ്രതിഷേധം രേഖപ്പെടുത്തുകയും ചെയ്തു. ജീവന് തന്നെ ഭീഷണി സൃഷ്ടിക്കുന്ന കൗണ്‍സിലര്‍മാരുള്ള കൗണ്‍സില്‍ ഹാളില്‍ സ്വയം പ്രതിരോധമെന്നോണമാണ് ഹെല്‍മെറ്റ് ധരിച്ചതെന്ന് നിസാര്‍ പറഞ്ഞു. ചര്‍ച്ചയ്ക്ക് തയ്യാറായില്ലെങ്കില്‍ പ്രതിഷേധം ശക്തമാക്കാനാണ് പ്രതിപക്ഷത്തിന്റെ നീക്കം.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss