|    Jul 29 Sat, 2017 12:41 am
FLASH NEWS

നഗരസഭയുടെ റോഡ് കൈയേറി മതില്‍ കെട്ടിയത് പൊളിച്ചു മാറ്റി

Published : 7th December 2015 | Posted By: SMR

പത്തനംതിട്ട: നഗരസഭയുടെ റോഡ് കൈയേറി വ്യാപാരി മതില്‍ കെട്ടിയത് പൊളിച്ചു മാറ്റി. ടികെ റോഡിലെ മസ്ജിദ് ജങ്ഷനില്‍ നിന്ന് പഴയ സ്വകാര്യ ബസ് സ്റ്റാന്‍ഡിലേക്ക് കയറുന്ന റോഡിലായിരുന്നു അനധികൃത നിര്‍മാണം.
ശനിയാഴ്ച പുലര്‍ച്ചെ രണ്ടോടെയായിരുന്നു ഇവിടെ മതില്‍ കെട്ടിയത്. രാവിലെ എട്ടോടെ നഗരസഭ ചെയര്‍ പേഴ്‌സണ്‍ രജനി പ്രദീപ്, വൈസ് ചെയര്‍മാന്‍ പി കെ ജേക്കബ് എന്നിവരുടെ നേതൃത്വത്തില്‍ ഉദ്യോഗസ്ഥരെത്തി മതില്‍ പൊളിച്ചു നീക്കി. മതില്‍ പൊളിച്ചു നീക്കുന്നതിന് സംബന്ധിച്ച് സ്ഥലമുടമയുമായി വാക്കേറ്റമുണ്ടായി. തുടര്‍ന്ന് ടൗണ്‍ പ്ലാന്‍ ഡിവിഷനിലെ ഉന്നത ഉദ്യോഗസ്ഥര്‍ സ്ഥലത്തെത്തിയാണ് പ്രശ്‌നം പരിഹരിച്ചത്.
മുനിസിപ്പല്‍ കെട്ടിട നിര്‍മാണ ചട്ടങ്ങള്‍ക്ക് വിരുദ്ധമായിട്ടാണ് ഇവിടെ നിര്‍മാണപ്രവര്‍ത്തനങ്ങള്‍ നടത്തിയിട്ടുള്ളതെന്ന് ഉദ്യോഗസ്ഥര്‍ കണ്ടെത്തി. നഗരസഭയുടെ അനുമതി ഇല്ലാതെ ഇവിടെ നിര്‍മാണ പ്രവര്‍ത്തനങ്ങള്‍ പാടില്ലെന്ന് സ്ഥലമുടമയ്ക്ക് ഉദ്യോഗസ്ഥര്‍ താക്കീത് നല്‍കി. രണ്ട് മാസങ്ങള്‍ക്ക് മുന്‍പ് ഇവിടെ നിര്‍മാണ പ്രവര്‍ത്തനങ്ങള്‍ നടത്തിയത് മുന്‍ നഗരസഭ കൗണ്‍സിലിന്റെ നേതൃത്വത്തില്‍ തടഞ്ഞിരുന്നു

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക