|    Oct 20 Sat, 2018 8:18 pm
FLASH NEWS

നഗരസഭയിലെ ശുചീകരണത്തൊഴിലാളികള്‍ക്ക് ഇത്തവണയും കണ്ണീരണിഞ്ഞ വിഷു

Published : 15th April 2018 | Posted By: kasim kzm

പാലക്കാട:് നഗരസഭയിലെ എല്ലാ ജീവനക്കാരും ശമ്പളത്തിന് പുറമെ ബോണസായി വിഷുക്കൈനീട്ടവും വാങ്ങുമ്പോള്‍ അര്‍ഹമായ ശമ്പളം പോലും കിട്ടാതെ നഗരസഭയിലെ ശുചീകരണത്തൊഴിലാളികള്‍. വിഷുവായിട്ടും മിക്കവര്‍ക്കും ശമ്പളം പോലും കിട്ടിയിട്ടില്ല.
നഗരസഭയിലെ ശുചീകരണ വിഭാഗത്തില്‍ 234 ഓളം സ്ഥിരം തൊഴിലാളികളുള്ളതില്‍ 195 ഓളം പേര്‍ക്കാണ് ഇത്തരം ദുരവസ്ഥയുള്ളത്. ശമ്പളം ലഭിച്ചാലും ജീവിതം മുന്നോട്ടു പോകാന്‍ പ്രയാസപ്പെടുന്ന സാഹചര്യത്തിലാണ് ശമ്പളം മുടങ്ങുന്നത്. ശമ്പളത്തിനു പുറമെ ശമ്പള പരിഷ്‌കാരവും പെന്‍ഷനും കുടിശ്ശികയുമൊക്കെ കിട്ടാനുമുണ്ട്.
നാടും നഗരവും വൃത്തിയാക്കുന്ന ഇവരോട് കാണിക്കുന്ന നീതികേട് അംഗീകരിക്കാനാവില്ലെന്നാണ് ശുചീകരണ മേഖലയില്‍ പ്രവര്‍ത്തിക്കുന്നവര്‍ പറയുന്നത്.
ശമ്പളം കിട്ടുന്നതുള്‍പ്പടെയുള്ള പ്രശ്‌നങ്ങള്‍ക്ക് നിരവധി തവണ അധികൃതരെ സമീപിച്ചെങ്കിലും നടപടികള്‍ സ്വീകരിച്ചില്ല. നഗരസഭയില്‍ ഉറവിട മാലിന്യ സംസ്‌കരണത്തിന്റെയും മാലിന്യ നിര്‍മാര്‍ജനത്തിന്റെയും പേരില്‍ കോടികള്‍ ചെലവഴിക്കുമ്പോഴും യാതൊരു സുരക്ഷയോ രക്ഷാകവചങ്ങളോ ഇല്ലാതെ നാടും നഗരവും വൃത്തിയാക്കുന്ന ശുചീകണത്തൊഴിലാളികളോടുള്ള സമീപനത്തിനെതിരെ കോടതിയെ സമീപിക്കാനൊരുങ്ങുകയാണ് തൊഴിലാളികള്‍.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss