|    Jan 22 Mon, 2018 11:58 am

നഗരമധ്യത്തിലെ അറവുശാലനഗരസഭ പൂട്ടിച്ചു

Published : 10th January 2018 | Posted By: kasim kzm

വടകര: സീറോ വേസ്റ്റ് പദ്ധതിയുടെ ഭാഗമായ മാലിന്യസംഭരണ കേന്ദ്രത്തിനെതിരെ ജെ ടി റോഡ് നിവാസികള്‍ സമരം ശക്തമാക്കിയതിനിടെ സമീപത്തെ അറവുശാല നഗരസഭ അധികൃതര്‍ അടച്ചുപൂട്ടി. മാലിന്യ സംഭരണ കേന്ദ്രത്തിനെതിരായ ജനരോഷം തണുപ്പിക്കുന്നതിനു വേണ്ടിയാണ്  നഗരസഭ അറവുശാല താല്‍ക്കാലികമായി പൂട്ടിച്ചതെന്നാണ് സൂചന.നവീകരണ പ്രവൃത്തിക്കു ശേഷം അറവുശാല വീണ്ടും തുറക്കും. അതേസമയം, കേന്ദ്രസര്‍ക്കാരിന്റെ മാനദണ്ഡം പാലിക്കാത്തതിനാലാണ് നടപടിയെന്നാണ് വിശദീകരണം.  അതേസമയം പ്രദേശത്ത്  മാലിന്യ സംഭരണ കേന്ദ്രം കൂടി സ്ഥാപിക്കാന്‍ അനുവദിക്കില്ലെന്ന നിലപാട് ജെ ടി റോഡ് പൗരസമിതി ആവര്‍ത്തിച്ചു. സീറോ വേസ്റ്റ് പദ്ധതിയുടെ ജോലി തുടങ്ങിയാല്‍ സമരം ശക്തമാക്കും. മാലിന്യ സംഭരണ കേന്ദ്രം ആരംഭിക്കുന്നതിനെതിരേ നാട്ടുകാര്‍ ജില്ലാ കലക്ടര്‍ക്കും മലിനീകരണ നിയന്ത്രണ ബോര്‍ഡിനും പരാതി നല്‍കിയിട്ടുണ്ട്.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day