|    Mar 26 Sun, 2017 10:38 pm
FLASH NEWS

ധീരതയ്ക്കുള്ള പുരസ്‌കാരങ്ങള്‍ വിതരണം ചെയ്തു

Published : 25th January 2016 | Posted By: SMR

ന്യൂഡല്‍ഹി: മലയാളികള്‍ ഉള്‍പ്പെടെയുള്ള 25 കുട്ടികള്‍ക്ക് പ്രധാനമന്ത്രി നരേന്ദ്ര മോദി ധീരതയ്ക്കുള്ള പുരസ്‌കാരങ്ങള്‍ വിതരണം ചെയ്തു. കോഴിക്കോട് കടമേരി ആര്‍എസി ഹയര്‍ സെക്കന്‍ഡറി സ്‌കൂള്‍ വിദ്യാര്‍ഥി മുഹമ്മദ് ഷംനാദ്, കണ്ണൂര്‍ തളിപ്പറമ്പ് കൊട്ടില ഗവണ്‍മെന്റ് ഹയര്‍ സെക്കന്‍ഡറി സ്‌കൂള്‍ പ്ലസ്ടു വിദ്യാര്‍ഥി കെ വി അഭിജിത്ത്, നെയ്യാറ്റിന്‍കര വിശ്വഭാരതി സ്‌കൂള്‍ എട്ടാംതരം വിദ്യാര്‍ഥി എസ് എം അരോമല്‍, കോട്ടയം എരുമേലി സെന്റ് തോമസ് ഹയര്‍ സെക്കന്‍ഡറി സ്‌കൂള്‍ ഒമ്പതാം തരം വിദ്യാര്‍ഥി നിതിന്‍ ഫിലിപ്പ് മാത്യു, കഴക്കൂട്ടം പള്ളിത്തറ സ്‌കൂളിലെ പത്താംതരം വിദ്യാര്‍ഥി ബീഥോവന്‍, വൈക്കം ദേവിവിലാസം ഹയര്‍ സെക്കന്‍ഡറി സ്‌കൂള്‍ ഒമ്പതാം തരം വിദ്യാര്‍ഥി അനന്തു ദിലീപ് എന്നിവരാണ് പുരസ്‌കാരങ്ങള്‍ ഏറ്റുവാങ്ങിയ മലയാളി വിദ്യാര്‍ഥികള്‍.
പുരസ്‌കാര ജേതാക്കളുടെ സ്‌കൂള്‍ വിദ്യാഭ്യാസത്തിന് സ്‌കോളര്‍ഷിപ്പും ഉന്നത പഠനത്തിന് ആഗ്രഹമുള്ളവര്‍ക്കാവശ്യമായ സഹായവും സര്‍ക്കാര്‍ നല്‍കും. നാളെ ഡല്‍ഹിയിലെ രാജ്പഥില്‍ നടക്കുന്ന റിപബ്ലിക്ദിന പരേഡ് ചടങ്ങിലും ഇവരെ പ്രധാനമന്ത്രി പുരസ്‌കാരം നല്‍കി ആദരിക്കും. ഇന്ത്യന്‍ കൗണ്‍സില്‍ ഓഫ് ചൈല്‍ഡ് വെല്‍ഫെയറാണ് ഓരോ വര്‍ഷവും ധീരരായ കുട്ടികള്‍ക്ക് റിപബ്ലിക് ദിനത്തോടനുബന്ധിച്ച് ധീരതയ്ക്കുള്ള പുരസ്‌കാരങ്ങള്‍ നല്‍കുന്നത്. കേന്ദ്ര ശിശുക്ഷേമ മന്ത്രി മേനക ഗാന്ധിയും ചടങ്ങില്‍ സംബന്ധിച്ചു.

thanur-inner                            
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക