|    Feb 26 Mon, 2018 1:07 am
FLASH NEWS

ധീരതയ്ക്കുള്ള അവാര്‍ഡ് നേടിയ അഖിലിന് ആദരം

Published : 1st May 2017 | Posted By: fsq

 

പത്തനംതിട്ട: രാഷ്ട്രപതിയുടെ ധീരതയ്ക്കുള്ള ജീവന്‍ രക്ഷാപഥക്  അവാര്‍ഡ് നേടിയ അഖില്‍ കെ ഷിബുവിനെ ജില്ലാ വികസന സമിതി യോഗം ആദരിച്ചു. രാജു ഏബ്രഹാം എംഎല്‍എ അഖിലിനെ പൊന്നാടയണിയിച്ച് ആദരിച്ചു. കേന്ദ്ര സര്‍ക്കാര്‍ അനുവദിച്ച അവാര്‍ഡ് തുകയായ 40,000 രൂപയുടെ ചെക്കും സംസ്ഥാന സര്‍ക്കാര്‍ നല്‍കിയ 9000 രൂപയുടെ ഡിഡിയും രാജു ഏബ്രഹാം എംഎല്‍എ അഖിലിന് സമ്മാനിച്ചു. എഡിഎം അനു എസ് നായര്‍ ആശംസാപത്രം വായിച്ചു. തിരുവല്ല സബ് കലക്ടര്‍ എസ് ചന്ദ്രശേഖര്‍, ജില്ലാ പ്ലാനിങ് ഓഫിസര്‍ കമലാസനന്‍ കാര്യാട്ട് പങ്കെടുത്തു. 2015 ഡിസംബര്‍ 23ന് പമ്പാ നദിയില്‍ മുങ്ങിതാണ ഹരി നാരായണന്‍ എന്ന ശബരിമല തീര്‍ഥാടകനെ സാഹസികമായി രക്ഷപ്പെടുത്തിയതാണ് അഖിലിനെ ജീവന്‍ രക്ഷാ പഥകിന് അര്‍ഹനാക്കിയത്. റാന്നി താലൂക്കില്‍ മുണ്ടപ്പുഴ മുറിയില്‍ കല്ലൂപ്പറമ്പില്‍ വീട്ടില്‍ കെ ഐ ഷിബുവിന്റെയും അന്‍സുവിന്റെയും മകനാണ് അഖില്‍. റാന്നി എംഎസ്എം ഹയര്‍ സെക്കന്‍ഡറി സ്‌കൂളിലെ പ്ലസ് വണ്‍  വിദ്യാര്‍ഥിയാണ്.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss