|    Feb 22 Thu, 2018 6:38 am
FLASH NEWS
Home   >  Sports  >  Cricket  >  

ധക്കയിലെ റണ്‍മഴയ്‌ക്കൊടുവില്‍ ശ്രീലങ്കയ്ക്ക് തകര്‍പ്പന്‍ ജയം

Published : 15th February 2018 | Posted By: vishnu vis

ധക്ക: ബംഗ്ലാദേശിനെതിരായ ഒന്നാം ട്വന്റി20യില്‍ ശ്രീലങ്കയ്ക്ക് ആവേശ ജയം. റണ്‍മഴ പെയ്ത മല്‍സരത്തിനൊടുവില്‍ ആറ് വിക്കറ്റിനാണ് ശ്രീലങ്കയുടെ ജയം. ആദ്യം ബാറ്റ് ചെയ്ത ബംഗ്ലാദേശ് മുസ്തഫിസുര്‍ റഹീമിന്റെയും (66*), സൗമ്യ സര്‍ക്കാരിന്റെയും (51) അര്‍ധ സെഞ്ച്വറിക്കരുത്തില്‍ 20 ഓവറില്‍ അഞ്ച് വിക്കറ്റ് നഷ്ടത്തില്‍ 193 റണ്‍സ് അടിച്ചെടുത്തപ്പോള്‍ മറുപടിക്കിറങ്ങിയ ശ്രീലങ്ക 16.4 ഓവറില്‍ നാല് വിക്കറ്റ് നഷ്ടപ്പെടുത്തി വിജയ ലക്ഷ്യം മറികടന്നു. കുശാല്‍ മെന്‍ഡിസിന്റെ (53) അര്‍ധ സെഞ്ച്വറിയും വെടിക്കെട്ട് പ്രകടനം പുറത്തെടുത്ത ദസുണ്‍ ഷണക (42*), തിസാര പെരേര (39*) എന്നിവരുടെ ബാറ്റിങുമാണ് ലങ്കയ്ക്ക് തകര്‍പ്പന്‍ ജയം സമ്മാനിച്ചത്. പെരേര 18 പന്തില്‍ നാല് ഫോറും മൂന്ന് സിക്‌സറും പറത്തിയപ്പോള്‍ 24 പന്തില്‍ മൂന്ന് വീതം സിക്‌സറും ബൗണ്ടറിയും ഷണകയും അടിച്ചെടുത്തു. ജയത്തോടെ രണ്ട് മല്‍സര പരമ്പരയില്‍ 1-0ന് ശ്രീലങ്ക മുന്നിലെത്തി.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss