|    Jan 23 Mon, 2017 2:09 pm
FLASH NEWS
Home   >  Pravasi  >  Gulf  >  

ദോഹയില്‍ പുതിയ വുഖൂദ് പെട്രോള്‍ സ്‌റ്റേഷന്‍ തുറന്നു

Published : 20th November 2015 | Posted By: TK

ദോഹ: ദോഹ നഗരത്തിനകത്ത് ഖത്തറിലെ ഏറ്റവും വലിയ പെട്രോള്‍ സ്‌റ്റേഷനുകളിലൊന്ന് വുഖൂദ് തുറന്നു പ്രവര്‍ത്തനമാരംഭിച്ചു. ബി-റിങ് റോഡില്‍ പേളിങ് സീസണ്‍ ഇന്റര്‍നാഷനല്‍ ബ്രിട്ടീഷ് സ്‌കൂളിന് അടുത്തായാണ് ബിന്‍ദിര്‍ഹം സര്‍വീസ് സ്‌റ്റേഷന്‍ ഇന്നലെ രാവിലെ ഉദ്്ഘാടനം ചെയ്തത്. ഈ വര്‍ഷം നിരവധി പുതിയ പെട്രോള്‍ സ്‌റ്റേഷനുകള്‍ വുഖൂദ് പൂര്‍ത്തിയാക്കിയിരുന്നെങ്കിലും എല്ലാം സെന്‍ട്രല്‍ ദോഹയ്ക്കു പുറത്തായിരുന്നു.
നാല് ലെയ്‌നുകളുള്ള സര്‍വീസ് സ്റ്റേഷനില്‍ ഒരേ സമയം 16 വാഹനങ്ങള്‍ക്ക് ഇന്ധനം നിറയ്ക്കാനാവും. 24 മണിക്കൂറും പ്രവര്‍ത്തിക്കുന്ന ഇവിടെ എല്‍പിജി സിലിണ്ടറുകളുടെ വില്‍പ്പനയും നടക്കും. ഫാസ്റ്റ് ഫുഡ് കൗണ്ടറും ഇരുന്ന് കഴിക്കാന്‍ സൗകര്യവുമുള്ള സിദ് കണ്‍വീനിയന്‍സ് സ്‌റ്റോറും പുതിയ സ്റ്റേഷനില്‍ ഒരുക്കിയിട്ടുണ്ട്.
രാജ്യത്ത് ജനസംഖ്യയും അതിനനുസരിച്ച് വാഹനങ്ങളും പെരുകുന്ന പശ്ചാത്തലത്തില്‍ മിക്ക പെട്രോള്‍ പമ്പുകളിലും കടുത്ത തിരക്കാണ് അനുഭവപ്പെടുന്നത്. പല സ്വകാര്യ പെട്രോള്‍ സ്‌റ്റേഷനുകളും അടച്ചതും തിരക്ക് വര്‍ധിക്കാനിടയാക്കി.
ഈ വര്‍ഷം തുറക്കുന്ന ആറാമത്തെ വുഖൂദ് സ്‌റ്റേഷനാണ് ബിന്‍ദിര്‍ഹമിലേത്. അല്‍ലഖ്താഫിയ, അല്‍വക്‌റ, വജ്്ബ, അല്‍താക്കിറ, അല്‍ഖോര്‍, ലിജിമിലിയ എന്നിവിടങ്ങളിലാണ് മറ്റു സ്‌റ്റേഷനുകള്‍ തുറന്നത്.
സല്‍വാ റോഡിലും അല്‍റയ്യാനിലും ഉള്‍പ്പെടെ ഈ വര്‍ഷം അഞ്ച് സ്റ്റേഷനുകള്‍ കൂടി പുതുതായി തുറക്കുമെന്ന് വുഖൂദ് എന്‍ജിനീയറിങ് സര്‍വീസസ് മാനേജര്‍ അഹ്്മദ് അലി മിര്‍സ ജോഹര്‍ ദോഹയില്‍ പുതിയ വുഖൂദ് പെട്രോള്‍ സ്‌റ്റേഷന്‍ തുറന്നുപറഞ്ഞു.

Share on FacebookShare on Google+Tweet about this on TwitterShare on LinkedIn
(Visited 76 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക