|    Jun 18 Mon, 2018 11:31 am
FLASH NEWS
Home   >  Todays Paper  >  page 7  >  

ദൈവപ്രീതിക്ക് മകളെ ബലി നല്‍കി; യുവാവ് പിടിയില്‍

Published : 11th June 2018 | Posted By: kasim kzm

ജോധ്പൂര്‍: ദൈവപ്രീതിക്കായി നാലു വയസ്സുകാരിയായ മകളെ കഴുത്തറുത്തു ബലി നല്‍കിയ പിതാവ് അറസ്റ്റില്‍. രാജസ്ഥാനിലെ ജോധ്പൂരിലാണു സംഭവം. ക്രൂരകൃത്യം ചെയ്ത 26കാരനായ നവാബ് അലിെയ പോലിസ് അറസ്റ്റ് ചെയ്തു.
നവാബ് അലി തന്റെ മകളായ റിസ്‌വാന (4)യെ കഴുത്തറുത്തു കൊല്ലുകയായിരുന്നു. വെള്ളിയാഴ്ച രാവിലെ വീടിന്റെ താഴത്തെ നിലയില്‍ നിന്നാണ് കഴുത്ത് മുറിഞ്ഞ നിലയില്‍ റിസ്‌വാനയെ കണ്ടെത്തിയത്.
നവാബ് അലിയും ഭാര്യയും രണ്ട് പെണ്‍മക്കളും വീടിന്റെ ടെറസ്സിലായിരുന്നു ഉറങ്ങാന്‍ കിടന്നത്.
രാത്രിയില്‍ മകളെ വിളിച്ചിറക്കി താഴത്തെ നിലയിലെത്തിച്ച് സ്വന്തം മടിയില്‍ കിടത്തുകയും മൂര്‍ച്ചയേറിയ കത്തി കൊണ്ട് മകളുടെ കഴുത്ത് അറക്കുകയുമായിരുന്നു.
വെള്ളിയാഴ്ച രാവിലെ മകളെ കാണാതായതോടെ മാതാവ് വീട്ടില്‍ നടത്തിയ തിരച്ചിലിനൊടുവില്‍ താഴത്തെനിലയില്‍ കഴുത്തു മുറിഞ്ഞു കിടക്കുന്നതാണു കണ്ടതെന്ന് പോലിസ് പറഞ്ഞു.
മകളെ പൂച്ച കടിച്ചു കൊന്നതാവാമെന്നു വിശ്വസിപ്പിക്കാനുള്ള ശ്രമവും നവാബ് അലി നടത്തിയിരുന്നു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss