|    Jan 18 Wed, 2017 1:43 pm
FLASH NEWS

ദേശീയപാതയും പിഡബ്ല്യുഡി റോഡുകളും പൊളിക്കാന്‍ പാടില്ല

Published : 2nd June 2016 | Posted By: SMR

തിരുവനന്തപുരം: ആഗസ്ത് 15 വരെ ദേശീയപാതയും പിഡബ്ല്യുഡി റോഡുകളും പൊളിക്കുന്നതു തടഞ്ഞുകൊണ്ട് സര്‍ക്കാര്‍ ഉത്തരവ്. കഴിഞ്ഞമാസം 31ന് എന്‍എച്ച് മരാമത്ത് വകുപ്പിലെ സംസ്ഥാന ജില്ലാ തല
ഉദ്യോഗസ്ഥരെയും വിളിച്ചുചേര്‍ത്ത യോഗത്തില്‍ പൊതുമരാമത്ത് മന്ത്രി ജി സുധാകരനാണ് ഉത്തരവു നല്‍കിയത്.
അരൂര്‍- അരുകുറ്റി റോഡ് രാത്രിയിലും വെട്ടിപ്പൊളിച്ച് സഞ്ചാരം അസാധ്യമാണെന്നും വാഹനങ്ങള്‍ കുഴിയില്‍ വീഴുന്നെന്നും പൊളിച്ച ഭാഗങ്ങള്‍ പുനര്‍നിര്‍മിക്കുന്നില്ലെന്നും കഴിഞ്ഞമാസം 30ന് ഒരു യാത്രക്കാരനില്‍ നിന്ന് ഫോണ്‍ വഴി വിവരം ലഭിച്ചിരുന്നു. സംസ്ഥാനത്തിന്റെ പല ഭാഗത്തും ഇത്തരം പ്രവര്‍ത്തനങ്ങള്‍ നടക്കുന്നുണ്ട്.
ദീര്‍ഘകാലമായി ഈ ദുസ്ഥിതി തുടരുകയാണെന്നും മനസിലായി. മഴക്കാലത്ത് ഇത്തരം പ്രവര്‍ത്തനങ്ങള്‍ പല പ്രയാസങ്ങളാണ് ജനങ്ങള്‍ക്ക് ഉണ്ടാക്കുന്നത്. ജനങ്ങളെ പുല്ലുപോലെ കരുതുന്ന നിര്‍മാതാക്കളുടെ ഈ മനോഭാവം സര്‍ക്കാര്‍ അംഗീകരിക്കുന്നില്ല.
ആഗസ്ത് 15 വരെയുള്ള നിരോധനം മഴ മാറുന്ന മുറയ്ക്ക് സംസ്ഥാനതല അവലോകനം നടത്തി പണികള്‍ പുനരാരംഭിക്കും. യാത്രാ ബുദ്ധിമുട്ട് ഒഴിവാക്കാനും സാമ്പത്തിക നഷ്ടം ഒഴിവാക്കാനുമാണ് ഈ നടപടി. ഉത്തരവിനോട് എല്ലാവരും സഹകരിക്കണം. ഇക്കാര്യത്തില്‍ പ്രാദേശിക ഭരണാധികാരികള്‍ ജാഗ്രത പാലിക്കണം. സഹായം തേടി മന്ത്രി കെ ടി ജലീലിന് കത്തു നല്‍കിയിട്ടുണ്ടെന്നും മന്ത്രി സുധാകരന്‍ പറഞ്ഞു.

Share on FacebookShare on Google+Tweet about this on TwitterShare on LinkedIn
(Visited 29 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക