|    Mar 27 Mon, 2017 10:28 am

ദുബയ് രാജ്യാന്തരവിമാനത്താവളത്തില്‍ നികുതി ഈടാക്കും

Published : 31st March 2016 | Posted By: RKN

ദുബയ്:  ദുബയ് രാജ്യാന്തര വിമാനത്താവളത്തില്‍ നിന്നു യാത്ര പുറപ്പെടുന്നവരില്‍ നിന്നു നികുതി ഈടാക്കുന്നതിന് ദുബയ് കിരീടാവകാശി ശെയ്ഖ് ഹംദാന്‍ ബിന്‍ മുഹമ്മദ് അംഗീകാരം നല്‍കി. ജൂണ്‍ 30 മുതല്‍ ദുബയ് വഴി പോവുന്ന ഓരോ യാത്രക്കാരനും 35 ദിര്‍ഹം ടാക്‌സ് ആയി നല്‍കണം. ഈ തുക വിമാനത്താവള വികസനത്തിനും മറ്റുമായി ഉപയോഗിക്കുമെന്ന് ദുബയ് മീഡിയ ഓഫിസ് വ്യക്തമാക്കി. ദുബയ് വിമാനത്താവളം വഴി കടന്നുപോവുന്ന എല്ലാ ട്രാന്‍സിറ്റ് യാത്രക്കാരും ഈ നികുതി നല്‍കേണ്ടിവരും. അതേ സമയം രണ്ട് വയസ്സിനു താഴെയുള്ള കുട്ടികള്‍ക്കും വിമാന ജോലിക്കാര്‍ക്കും ഈ ടാക്‌സ് ഒഴിവാക്കിയിട്ടുണ്ട്. കഴിഞ്ഞ വര്‍ഷം 75 ദശലക്ഷം യാത്രക്കാരാണ് ദുബയ് വിമാനത്താവളത്തിലൂടെ യാത്രചെയ്തത്. 2023 ആവുമ്പോഴത്തേക്കും ദുബയ് വിമാനത്താവളം പ്രതിവര്‍ഷം 100 ദശലക്ഷം യാത്രക്കാരെയാണു പ്രതീക്ഷിക്കുന്നത്. മാര്‍ച്ച് ഒന്നുമുതല്‍ ബുക്ക് ചെയ്യുന്ന എല്ലാ വിമാന ടിക്കറ്റുകള്‍ക്കും ഈ തുക നല്‍കണം. ഇതിനു മുമ്പ് ടിക്കറ്റെടുത്തവര്‍ക്ക് ഈ തുക നല്‍കേണ്ടതില്ല. ടിക്കറ്റ് ബുക്ക് ചെയ്യുമ്പോള്‍ തന്നെ 35 ദിര്‍ഹം അധികം ഈടാക്കുന്ന സംവിധാനമാണ് ഏര്‍പ്പെടുത്തിയിരിക്കുന്നത്.

thanur-inner                            
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക