|    Mar 23 Thu, 2017 3:45 am
FLASH NEWS
Home   >  Pravasi  >  Gulf  >  

ദുബയില്‍ കാര്‍ രഹിത ദിനം ആചരിച്ചു

Published : 22nd February 2016 | Posted By: swapna en

ദുബയ്: മുനിസിപ്പാലിറ്റിയുടെ കാര്‍ രഹിത ദിനത്തില്‍ ആയിരക്കണക്കിന് പേര്‍ തങ്ങളുടെ കാറുകള്‍ ഉപേക്ഷിച്ച് പൊതുവാഹനങ്ങളില്‍ യാത്ര ചെയ്തു. ഇത് രാവിലെയും വൈകിട്ടും മെട്രോയിലും ബസുകളിലും വന്‍ തിരക്കിനടയാക്കി. ഇത്തവണ 1000 സര്‍ക്കാര്‍-ഇതര സംരംഭങ്ങളാണ് പദ്ധതിയോട് സഹകരിച്ചത്. കഴിഞ്ഞ തവണ ഇത് 300 ആയിരുന്നു. 30000 പേര്‍ തങ്ങളുടെ സ്വകാര്യ വാഹനങ്ങള്‍ വീടുകളില്‍ വെച്ച് യാത്രക്കായി പൊതുവാഹനങ്ങളെ ആശ്രയിച്ചു എന്നാണ് കണക്ക്. 2010ല്‍ പദ്ധതി തുടങ്ങുമ്പോള്‍ കേവലം 1000 പേര്‍മാത്രമായിരുന്നു സഹകരിച്ചിരുന്നത്. പരിസ്ഥിതി സംരക്ഷണ അവബോധം മെച്ചപ്പെട്ടതാണ് എണ്ണം കുത്തനെ കൂടാനിടയാക്കിയത്. ഒരു ദിനം മാത്രമല്ല, എല്ലാ ദിവസവും എന്നതായിരുന്നു ദിനാചരണത്തിന്റെ മുദ്രാവാക്യം. ഇക്കുറി പൊതുജനങ്ങളില്‍ നിന്ന് കൂടുതല്‍ സഹകരണം ലഭിച്ചതായി ദുബൈ മുനിസിപ്പാലിറ്റി ഡയറക്ടര്‍ ജനറല്‍ ഹുസൈന്‍ നാസര്‍ ലൂത്ത പറഞ്ഞു. ലൂത്തയും മുനിസിപ്പാലിറ്റി ഉദ്യോഗസ്ഥരും സ്വകാര്യ വാഹനങ്ങള്‍ ഒഴിവാക്കി മെട്രോയില്‍ സഞ്ചരിച്ചു.
പദ്ധതിയുമായി സഹകരിക്കുന്ന സംഘടനകള്‍ക്കും സംരംഭങ്ങള്‍ക്കും കാര്‍ രഹിത ദിനം ഏര്‍പ്പെടുത്താനാണ് അടുത്ത നീക്കം. ദുബൈയിലെ ചില മേഖലകളില്‍ മാത്രം ഒരു ദിവസം മുഴുവന്‍ കാര്‍ രഹിതമാക്കാനും പദ്ധതിയുണ്ട്-എന്‍ജി. ലൂത്ത പറഞ്ഞു. ഇത് കാര്‍ബണ്‍ ബഹിര്‍ഗമനം കുറക്കാനും ദുബൈയെ സുസ്ഥിര നഗരമാക്കാനും സഹായിക്കുമെന്ന് അദ്ദേഹം കൂട്ടിച്ചേര്‍ത്തു. ഗ്രീന്‍ ഹൗസ് വാതകങ്ങള്‍ കുറക്കാനുള്ള ദുബൈയുടെ പ്രതിബദ്ധതയാണ് വര്‍ഷം തോറും ദിനാചരണത്തിലുണ്ടാകുന്ന പുരോഗതിയെന്നും അദ്ദേഹം പറഞ്ഞു.

(Visited 193 times, 1 visits today)
thanur-inner madani-inner abdulla-iner     PER Mazhappody-inner karimbu-inner                  
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക