|    Nov 18 Sun, 2018 7:54 am
FLASH NEWS
Home   >  Kerala   >  

ദീപാ നിശാന്തിനെതിരെ കൊലവിളി;ബിജെപി പ്രവര്‍ത്തകര്‍ക്കെതിരെ കേസെടുത്തു

Published : 7th May 2018 | Posted By: mi.ptk

തൃശൂര്‍: എഴുത്തുകാരിയും അധ്യാപികയുമായ ദീപാ നിശാന്തിനെതിരെ സോഷ്യല്‍ മീഡിയയിലൂടെ കൊലവിളി നടത്തിയ ബിജെപി പ്രവര്‍ത്തകര്‍ക്കെതിരെ കേസെടുത്തു. ബിജു നായര്‍, രമേശ് കുമാര്‍ നായര്‍ എന്നിവര്‍ക്കെതിരെയാണ് തൃശൂര്‍ പോലീസ് കേസെടുത്തത്. ദീപ നിശാന്ത് എല്ലാ പരിധികളും ലംഘിക്കുകയാണെന്നും അവരുടെ രക്തം വേണമെന്നുമായിരുന്നു രമേശ് കുമാര്‍ നായരുടെ കമന്റ്. ആ കമന്റിന് നമ്മളതിനായി ശ്രമിക്കുമെന്ന് ബിജു നായര്‍ മറുപടി നല്‍കി. കഠ് വ ബലാത്സംഗക്കൊലയുമായി ബന്ധപ്പെട്ട ദീപക് ശങ്കരനാരായണന്റെ ഫെയ്‌സ്ബുക്ക് കുറിപ്പിനെ അനുകൂലിച്ചതിന് പിന്നലെയാണ് ദീപ നിശാന്തിനെതിരെ വ്യാപക സൈബര്‍ ആക്രമണം തുടങ്ങിയത്.
ബിജെപി നേതാവ് ടിജി മോഹന്‍ദാസും ദീപാ നിശാന്തിനും ദീപക് ശങ്കരനാരായണനുമെതിരെ രംഗത്തുവരാന്‍ പ്രവര്‍ത്തകരോട് ആഹ്വാനം ചെയ്തിരുന്നു. ഇരുവരുടെയും മേല്‍വിലാസമടക്കം പരസ്യപ്പെടുത്തിയായിരുന്നു ആഹ്വാനം. തുടര്‍ന്ന് ദീപാ നിശാന്ത് പോലീസില്‍ പരാതി നല്‍കുകയായിരുന്നു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss