|    Nov 18 Sun, 2018 2:58 am
FLASH NEWS
Home   >  Todays Paper  >  Page 4  >  

ദീപാവലി ആഘോഷം: സുപ്രിംകോടതി വിധി നടപ്പാക്കാന്‍ ഡിജിപി നിര്‍ദേശം

Published : 5th November 2018 | Posted By: kasim kzm

തിരുവനന്തപുരം: ദീപാവലിയോട് അനുബന്ധിച്ച് പടക്കം പൊട്ടിക്കുന്നതുമായി ബന്ധപ്പെട്ട് സുപ്രിംകോടതി പുറപ്പെടുവിച്ച വിധിയിലെ നിര്‍ദേശങ്ങള്‍ നടപ്പാക്കുന്നതു സംബന്ധിച്ച് സംസ്ഥാന പോലിസ് മേധാവി ലോക്നാഥ് ബെഹറ ഉത്തരവ് പുറപ്പെടുവിച്ചു. നിര്‍ദേശങ്ങള്‍ സ്റ്റേഷന്‍ ഹൗസ് ഓഫിസര്‍മാരുടെ ശ്രദ്ധയില്‍പ്പെടുത്താന്‍ എല്ലാ ജില്ലാ പോലിസ് മേധാവിമാരോടും ആവശ്യപ്പെട്ടിട്ടുണ്ട്. നിശ്ചിതസ്ഥലത്തും സമയത്തും മാത്രമേ പടക്കങ്ങള്‍ പൊട്ടിക്കാവൂ എന്നു കോടതി നിര്‍ദേശിച്ചിട്ടുണ്ട്. നിരോധിക്കപ്പെട്ട പടക്കങ്ങളുടെ വില്‍പന അനുവദിച്ചു കൂടാ. നിര്‍ദേശങ്ങള്‍ ലംഘിക്കപ്പെടുന്നപക്ഷം അതതു സ്ഥലത്തെ സ്റ്റേഷന്‍ ഹൗസ് ഓഫിസര്‍മാര്‍ കോടതിയലക്ഷ്യ നടപടിക്കു വിധേയരാവേണ്ടിവരും.
ദീപാവലി ദിവസത്തിലോ മറ്റ് ആഘോഷ ദിവസങ്ങളിലോ പടക്കങ്ങള്‍ പൊട്ടിക്കുന്നത് രാത്രി 8 മുതല്‍ 10 വരെയാക്കി കോടതി നിജപ്പെടുത്തിയിട്ടുണ്ട്. ക്രിസ്തുമസ്, ന്യൂ ഇയര്‍ ആഘോഷങ്ങളോടനുബന്ധിച്ച് രാത്രി 11.55 മുതല്‍ 12.30 വരെ മാത്രമാണ് പടക്കം പൊട്ടിക്കുന്നതിന് കോടതി അനുമതി നല്‍കിയിട്ടുള്ളത്.

 

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss