|    Jan 20 Fri, 2017 5:26 pm
FLASH NEWS

ദാവൂദ് ഇബ്രാഹീമിന്റെ സ്വത്ത് ലേലത്തില്‍ പിടിക്കുന്ന പത്രപ്രവര്‍ത്തകന് ഭീഷണി

Published : 6th December 2015 | Posted By: SMR

മുംബൈ: അധോലോക നേതാവ് ദാവൂദ് ഇബ്രാഹീമിന്റെ സ്വത്ത് ലേലംവിളിക്കാന്‍ തയ്യാറെടുത്ത മുന്‍ പത്രപ്രവര്‍ത്തകന് ഛോട്ടാ ഷക്കീലിന്റെ ഭീഷണി. എസ് ബാലകൃഷ്ണനെയാണ് ദാവൂദിന്റെ കൂട്ടാളിയായ ഛോട്ടാ ഷക്കീല്‍ ഫോണ്‍ സന്ദേശം വഴി ഭീഷണിപ്പെടുത്തിയത്.
ദാവൂദിന്റെ അധീനതയിലുള്ള ഏഴു വസ്തുവകകളില്‍ ഒന്നാണ് ബാലകൃഷ്ണന്‍ ലേലത്തില്‍ പിടിക്കാന്‍ പോവുന്നത്. സ്ത്രീകള്‍ക്കും കുട്ടികള്‍ക്കും വേണ്ടി പ്രവര്‍ത്തിക്കുന്ന തന്റെ ദേശ് സേവാസമിതി എന്ന സര്‍ക്കാരിതര സംഘടനയ്ക്കു വേണ്ടിയാണ് ദാവൂദിന്റെ ഉടമസ്ഥതയിലുണ്ടായിരുന്ന കെട്ടിടം ബാലകൃഷ്ണന്‍ ലേലത്തില്‍ പിടിക്കുന്നത്. ഇംഗ്ലീഷ്-കംപ്യൂട്ടര്‍ പരിശീലന സ്ഥാപനമായിരിക്കും കെട്ടിടം. കെട്ടിടത്തിന് മഹാനായ രാജ്യസ്‌നേഹിയായിരുന്ന അഷ്ഫക്കുല്ലാ ഖാന്റെ പേരിടുമെന്ന് ബാലകൃഷ്ണന്‍ അറിയിച്ചു. ദക്ഷിണ മുംബൈയിലെ പക്‌മോഡിയ തെരുവിലാണ് ദാവൂദിന്റെ ഇരുനില കെട്ടിടം. മയക്കുമരുന്നു കേസില്‍ സര്‍ക്കാര്‍ പിടിച്ചെടുത്തതാണ് ദാവൂദിന്റെ സ്വത്തുക്കള്‍.

Share on FacebookShare on Google+Tweet about this on TwitterShare on LinkedIn
(Visited 53 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക