|    Apr 21 Sat, 2018 7:21 pm
FLASH NEWS

ദലിത് സംരക്ഷണത്തെക്കുറിച്ചു പറയാന്‍ ആന്റണിക്ക് അര്‍ഹതിയില്ല: എളമരം കരീം

Published : 11th April 2018 | Posted By: kasim kzm

കല്‍പ്പറ്റ: ദലിത് സംരക്ഷണത്തെക്കുറിച്ച് പറയാന്‍ എ കെ ആന്റണിക്ക് ഒരു അര്‍ഹതയുമില്ലെന്നു സിപിഎം കേന്ദ്രകമ്മിറ്റി അംഗം എളമരം കരീം. മുത്തങ്ങയില്‍ ആദിവാസികള്‍ക്കു നേരെ അതിക്രമം നടത്തുകയും ഒരാള്‍ കൊല്ലപ്പെടുകയും ചെയ്തത് ആന്റണി നേതൃത്വം നല്‍കിയ യുഡിഎഫ് ഭരണത്തിലാണ്.
ഇങ്ങനെയുള്ളപ്പോഴാണ് ആന്റണി ഇപ്പോള്‍ പുണ്യാളന്റെ വേഷം കെട്ടുന്നതെന്നും എളമരം കരീം പറഞ്ഞു. ദലിത് അതിക്രമങ്ങള്‍ക്കെതിരേ കല്‍പ്പറ്റയില്‍ സിപിഎമ്മിന്റെ നേതൃത്വത്തില്‍ നടത്തിയ ടെലിഫോണ്‍ എക്‌സ്‌ചേഞ്ച് മാര്‍ച്ച് ഉദ്ഘാടനം ചെയ്യുകയായിരുന്നു അദ്ദേഹം. സംസ്ഥാനത്ത് ദലിതര്‍ക്ക് എല്ലാ സൗകര്യങ്ങളും ഒരുക്കുന്നതിലും അവര്‍ക്കൊപ്പം നിലകൊള്ളുകയുമാണ് സര്‍ക്കാര്‍. എന്നാല്‍, ദലിത് സംഘടനകള്‍ കേന്ദ്രസര്‍ക്കാരിനെതിരേ കഴിഞ്ഞദിവസം നടത്തിയ ഹര്‍ത്താലിനെ പോലും കേരള സര്‍ക്കാരിനെതിരായ പ്രതിഷേധമാണെന്നു വരുത്തിത്തീര്‍ക്കാനാണ് ചിലര്‍ ശ്രമിക്കുന്നതെന്നും അദ്ദേഹം കുറ്റപ്പെടുത്തി.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Dont Miss