|    Jun 24 Sat, 2017 10:54 am
FLASH NEWS

ദലിത്-പരിസ്ഥിതി പ്രശ്‌നങ്ങളുയര്‍ത്തി ബാല പാര്‍ലമെന്റ്

Published : 21st April 2017 | Posted By: fsq

 

കല്‍പ്പറ്റ: കുടുംബശ്രീ ജില്ലാ മിഷന്റെ നേതൃത്വത്തില്‍ ബാലസഭ കുട്ടികള്‍ക്കായി സംഘടിപ്പിച്ച ബാല പാര്‍ലമെന്റ് പുതിയ അനുഭവമായി. ഇന്ത്യന്‍ പാര്‍ലമെന്റിന്റെ സ്വാഭാവിക മാതൃകയില്‍ ചിട്ടപ്പെടുത്തിയാണ് ബാല പാര്‍ലമെന്റ് നടന്നത്. ചോദ്യോത്തര വേളയും അടിയന്തര പ്രമേയവും തുടര്‍ന്ന് വാക്കൗട്ടും ശക്തമായി അവതരിപ്പിക്കപ്പെട്ടു. ജൈവകൃഷിയും ദലിത് പ്രശ്‌നങ്ങളും ഗാഡ്ഗില്‍ റിപോര്‍ട്ടും സഭയില്‍ പരാമര്‍ശിക്കപ്പെട്ടു. കുട്ടികളില്‍ ജനാധിപത്യ-രാഷ്ട്രീയ ബോധം വളര്‍ത്തുകയും മഹത്തായ ഇന്ത്യന്‍ പാര്‍ലമെന്റിനെ പരിചയപ്പെടുത്തുകയും ചെയ്യുക എന്ന ലക്ഷ്യത്തോടെയാണ് കുടുംബശ്രീ ബാല പാര്‍ലമെന്റ് സംഘടിപ്പിച്ചത്. കല്‍പ്പറ്റ നിയോജക മണ്ഡലം എംഎല്‍എ സി കെ ശശീന്ദ്രന്‍ കുട്ടികളുമായി സംവദിച്ചു. സംസ്ഥാന കര്‍ഷക തിലകം അവാര്‍ഡ് ജേതാവ് ഹര്‍ഷ ഉദ്ഘാടനം ചെയ്തു. ജില്ലാ മിഷന്‍ കോ-ഓഡിനേറ്റര്‍ പി സാജിത അധ്യക്ഷത വഹിച്ചു. ബാല പാര്‍ലമെന്റ് സംസ്ഥാന ആര്‍പിമാരായ സി കെ പവിത്രന്‍, ഷാജി പുല്‍പ്പള്ളി നേതൃത്വം നല്‍കി. എഡിഎംസിമാരായ കെ പി ജയചന്ദ്രന്‍, കെ എ ഹാരിസ്, സി എസ് കിരണ്‍, ജന്റര്‍ കണ്‍സള്‍ട്ടന്റ് ശ്രുതിമോള്‍ സംസാരിച്ചു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക