|    Sep 19 Tue, 2017 9:01 pm
Home   >  News now   >  

ദലിത് കൂട്ടക്കൊലയെ പട്ടിയെ കല്ലെറിയുന്നതിനോട് ഉപമിച്ച് കേന്ദ്ര മന്ത്രി വി കെ സിങ്

Published : 22nd October 2015 | Posted By: Navas Ali kn

ഡല്‍ഹി : ഹരിയാനയില്‍ ദലിത് കുഞ്ഞുങ്ങളെ കത്തിച്ചുകൊന്നതിനെ തെരുവു നായക്കളെ കല്ലെറിയുന്നതിനോട് ഉപമിച്ച് കേന്ദ്ര മന്ത്രി വി കെ സിങ്.ആരെങ്കിലും പട്ടികളെ കല്ലെറിഞ്ഞാല്‍ അതിന് സര്‍ക്കാര്‍ ഉത്തരവാദിയാകുന്നതെങ്ങിനെ എന്നാണ് ഹരിയാനയില്‍ ദലിതരെ കൂട്ടക്കൊല നടത്തിയതു സംബന്ധിച്ച് വി കെ സിങ് വ്യാഴാഴ്ച്ച ഉത്തര്‍പ്രദേശിലെ ഗാസിയാബാദില്‍ പ്രതികരിച്ചത്.കേന്ദ്ര വിദേശകാര്യ മന്ത്രിയായ വി കെ സിങ്ങിന്റെ പ്രസ്താവന പുറത്തു വന്നയുടന്‍ രൂക്ഷമായ പ്രതികരണങ്ങളാണ് ഉയര്‍ന്നത്.മനുഷ്യത്വ രഹിതമായ പ്രസ്താവനയിലൂടെ വി കെ സിങ് ദലിത് സമൂഹത്തെ മുഴുവന്‍ അപമാനിച്ചുവെന്നാണ് കോണ്‍ഗ്രസ് വക്താവ് രണ്‍ദീപ് സുര്‍ജേവാല പ്രതികരിച്ചത്.ദലിതരോടും ന്യൂനപക്ഷങ്ങളോടുമുള്ള മോദി സര്‍ക്കാറിന്റെ മനോഭാവമാണ് മന്ത്രിയുടെ പ്രസ്താവനയില്‍ പ്രതിഫലിക്കുന്നതെന്നും അദ്ദേഹം പറഞ്ഞു.ദലിത് പീഡന നിയമപ്രകാരം വി കെ സിങ്ങിനെതിരെ കേസെടുക്കണമെന്നും കോണ്‍ഗ്രസ് ആവശ്യപ്പെട്ടു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക