|    Jul 17 Tue, 2018 11:41 am
FLASH NEWS
Home   >  News now   >  

ദക്ഷിണ കൊറിയയെ രണ്ടാം മല്‍സരത്തിലും ഇന്ത്യ തകര്‍ത്തു

Published : 6th March 2018 | Posted By: vishnu vis

സോള്‍: ദക്ഷിണ കൊറിയക്കെതിരായ വനിതാ ഹോക്കി പരമ്പരയിലെ രണ്ടാം മല്‍സരത്തിലും ഇന്ത്യക്ക് ജയം. ഇഞ്ചോടിഞ്ച് പോരാട്ടം കണ്ട മല്‍സരത്തില്‍ 3-2നാണ് ഇന്ത്യ വിജയിച്ചത്.  അഞ്ചാം മിനിറ്റില്‍ പൂനം റാണിയിലൂടെ ഇന്ത്യ അക്കൗണ്ട് തുറന്നപ്പോള്‍ അഞ്ച് മിനിറ്റിനുള്ളില്‍ കൊറിയ സമനില പിടിച്ചു. ആദ്യ ക്വര്‍ട്ടറില്‍ 1-1 സമനില പങ്കിട്ടാണ് ഇരു ടീമും പിരിഞ്ഞത്.പോരാട്ടം തുടര്‍ന്ന ഇന്ത്യ 27ാം മിനിറ്റില്‍ ലീഡെടുത്തു. ഇന്ത്യന്‍ ക്യാപ്റ്റന്‍ റാണിയാണ് ഇന്ത്യക്കുവേണ്ടി ലക്ഷ്യം കണ്ടത്. മല്‍സരം 2-1 എന്ന നിലയില്‍. രണ്ട് മിനിറ്റിനുള്ളില്‍ കോറിയ ഗോള്‍ മടക്കിയെങ്കിലും അധികം വൈകാതെ പെനല്‍റ്റി കോര്‍ണറെ വലയിലെത്തിച്ച് ഗുര്‍ജിത്ത് കൗര്‍ ഇന്ത്യക്ക് വിജയം സമ്മാനിക്കുകയായിരുന്നു. പിന്നീടുള്ള സമയത്ത് കൊറിയയുടെ ഗോള്‍ ശ്രമങ്ങളെല്ലാം പരാജയപ്പെട്ടതോടെ 3-2ന് വിജയം ഇന്ത്യക്കൊപ്പം നിന്നു. യൂരിം ലീ, ജുന്‍ഗെന്‍ സിയോ എന്നിവരാണ് കൊറിയക്ക് വേണ്ടി വലകുലുക്കിയത്. ആദ്യ മല്‍സരത്തില്‍ ഏകപക്ഷീയമായ ഒരു ഗോളിനായിരുന്നു ഇന്ത്യയുടെ വിജയം. ജയത്തോടെ അഞ്ച് മല്‍സര പരമ്പരയില്‍ 2-0ന് ഇന്ത്യ മുന്നിലെത്തി.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss