|    Jul 28 Fri, 2017 8:38 pm
FLASH NEWS
Home   >  Todays Paper  >  page 11  >  

ത്രില്ലറില്‍ ഇംഗ്ലണ്ട് സൂപ്പര്‍

Published : 2nd December 2015 | Posted By: SMR

ഷാര്‍ജ: പാകിസ്താനെതിരായ ട്വന്റി ക്രിക്കറ്റ് പരമ്പര ഇംഗ്ലണ്ട് 3-0നു തൂത്തുവാരി. പരമ്പരയിലെ മൂന്നാമത്തെയും അവസാനത്തെയും മല്‍സരത്തില്‍ ആവേശകരമായ വിജയമാണ് ഇംഗ്ലണ്ട് നേടിയത്. സൂപ്പര്‍ ഓവറിലേക്ക് നീണ്ട വാശിയേറിയ മല്‍സരത്തിലാണ് ഇംഗ്ലണ്ട് ജയം കൊയ്തത്.
ആദ്യം ബാറ്റ് ചെയ്ത ഇംഗ്ലണ്ട് നിശ്ചിത 20 ഓവറില്‍ എട്ടു വിക്കറ്റിന് 154 റണ്‍സെടുത്തു. 46 റണ്‍സെടുത്ത ജെയിംസ് വിന്‍സാണ് ഇംഗ്ലണ്ടിന്റെ ടോപ്‌സ്‌കോറര്‍. മറുപടിയില്‍ ഏഴു വിക്കറ്റിന് പാകിസ്താനും 154 റണ്‍സ് നേടിയതോടെ മല്‍സരം സമനിലയിലായി. ശുഐബ് മാലിക്കാണ് (75) പാക് നിരയില്‍ മിന്നിയത്.
സൂപ്പര്‍ ഓവറില്‍ ആദ്യം ബാറ്റ് ചെയ്ത പാകിസ്താന് ക്രിസ് ജോര്‍ഡന്റെ യോര്‍ക്കര്‍ ബൗളിങിന് മുന്നില്‍ ഒരു വിക്കറ്റിന് മൂന്ന് റണ്‍സെടുക്കാനെ സാധിച്ചുള്ളൂ. മറുപടിയില്‍ അഫ്രീദിയെറിഞ്ഞ സൂപ്പര്‍ ഓവറില്‍ അഞ്ചാം പന്തില്‍ വിക്കറ്റൊന്നും നഷ്ടപ്പെടുത്താതെ ക്യാപ്റ്റന്‍ ഇയാന്‍ മോര്‍ഗനും ജോസ് ബട്ട്‌ലറും ഇംഗ്ലണ്ടിന് വിജയമൊരുക്കി കൊടുത്തു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക