|    Oct 19 Thu, 2017 11:53 pm
Home   >  National   >  

ത്രപ്തി ദേശായി സ്ത്രീകളുമൊത്ത് ശബരിമലകയറും; തീരുമാനമെടുക്കാന്‍ ദേവസ്വം ബോര്‍ഡിന് രണ്ടാഴ്ചത്തെ സമയം

Published : 27th April 2016 | Posted By: swapna en

trupti-desai-.

മുംബൈ: മുംബൈയിലെ ഷാനി ഷിംങ്കാപൂര്‍ ക്ഷേത്രത്തില്‍ സ്ത്രീകള്‍ക്ക് പ്രവേശനം നല്‍കിയ സമരനായിക ത്രപ്തി ദേശായി ശബരിമലയിലേക്ക് സ്ത്രീകളുമായി പ്രവേശിക്കും.സ്ത്രീകള്‍ക്ക് ശബരിമലയില്‍ പ്രവേശിക്കാന്‍ അനുവാദം നല്‍കണമെന്നാവശ്യപ്പെട്ട് ത്രപ്തി ഇതിനോടകം തിരുവിതാംകൂര്‍ ദേവസ്വം ബോര്‍ഡിനെ സമീപിച്ചിട്ടുണ്ട്. രണ്ടാഴ്ചയ്ക്കുള്ള തീരുമാനം അറിയിക്കണമെന്നാണ് ത്രപ്തിയുടെ ആവശ്യം. സ്ത്രീകള്‍ക്ക് പ്രവേശനം നിഷേധിക്കുന്ന പക്ഷം കേരളത്തിലെ  സ്ത്രീകളുമായി ക്ഷേത്രത്തില്‍ പ്രവേശിക്കുമെന്ന് ത്രപ്തി ദേശായി മാധ്യമങ്ങളെ അറിയിച്ചു.

shabarimala
ക്ഷേത്രത്തില്‍ പ്രവേശിക്കാന്‍ ആഗ്രഹമുള്ള കേരളത്തിലെ ചില സ്ത്രീകള്‍   തന്നെ ബന്ധപ്പെട്ടു.കേരളത്തിലെ ഇത്തരത്തിലുള്ള തെറ്റായ ആചാരങ്ങള്‍ അവസാനിപ്പിക്കണം. ദൈവത്തിന്റെ മുന്നില്‍ എല്ലാവരും സമന്‍മാരാണെന്നും ത്രപ്തി ദേശായി പറഞ്ഞു. നാളെയാണ് മുംബൈയിലെ ഹാജി അലി ദര്‍ഗയിലേക്ക് ത്രപ്തി ദേശായിയും സംഘം പ്രവേശിക്കുന്നത്. ഇവിടെ സ്ത്രീകള്‍ക്ക് പ്രവേശനം നിഷിദ്ധമാണ്. ത്രപ്തി ദേശായിയുടെ നേതൃത്വത്തിലുള്ള സമരത്തെ തുടര്‍ന്ന് മുംബൈയിലെ ഷാനി ഷിംങ്കാപൂര്‍ ക്ഷേത്രത്തില്‍ സ്ത്രീകള്‍ക്ക് പ്രവേശനം നല്‍കണമെന്ന് കോടതി വിധിക്കുകയായിരുന്നു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക