|    Sep 25 Tue, 2018 10:41 pm
FLASH NEWS
Home   >  Todays Paper  >  Page 5  >  

തോമസ് ചാണ്ടി എന്‍സിപി സംസ്ഥാന അധ്യക്ഷന്‍

Published : 29th April 2018 | Posted By: kasim kzm

നെടുമ്പാശ്ശേരി: എന്‍സിപി സംസ്ഥാന പ്രസിഡന്റായി തോമസ് ചാണ്ടി എംഎല്‍എയെ തിരഞ്ഞെടുത്തു. ദേശീയ പ്രസിഡന്റ് ശരത് പവാറിന്റെ നിര്‍ദേശത്തെ തുടര്‍ന്ന് സംസ്ഥാനത്തിന്റെ ചുമതലയുള്ള അഖിലേന്ത്യാ ജനറല്‍ സെക്രട്ടറി പ്രഫുല്‍ പട്ടേലിന്റെ സാന്നിധ്യത്തില്‍ ഏകകണ്ഠമായിട്ടായിരുന്നു തിരഞ്ഞെടുപ്പ്. നെടുമ്പാശ്ശേരിയില്‍ നടന്ന യോഗത്തില്‍ ടി പി പീതാംബരന്‍ മാസ്റ്റര്‍ അധ്യക്ഷത വഹിച്ചു.
ഏക വൈസ് പ്രസിഡന്റായി പി കെ രാജനെയും ഖജാഞ്ചിയായി ബാബു കാര്‍ത്തികേയനെയും തിരഞ്ഞെടുത്തു. ജനറല്‍ സെക്രട്ടറിമാരെ ഒരാഴ്ചയ്ക്കകം നാമനിര്‍ദേശം ചെയ്യും. ഉഴവൂര്‍ വിജയന്റെ നിര്യാണത്തെ തുടര്‍ന്ന് അഖിലേന്ത്യാ സെക്രട്ടറി പീതാംബരന്‍ മാസ്റ്റര്‍ താല്‍ക്കാലിക പ്രസിഡന്റായി പ്രവര്‍ത്തിക്കുകയായിരുന്നു. വൈസ് പ്രസിഡന്റായി തിരഞ്ഞെടുക്കപ്പെട്ട പി കെ രാജന്‍ മന്ത്രി എ കെ ശശീന്ദ്രന്‍ വിഭാഗക്കാരനും ട്രഷറര്‍ ബാബു കാര്‍ത്തികേയന്‍ തോമസ് ചാണ്ടി പക്ഷക്കാരനുമാണ്.  വര്‍ഷങ്ങളായി എന്‍സിപി സംസ്ഥാന ഖജാഞ്ചിയായിരുന്ന മാണി സി കാപ്പനെ മാറ്റിയാണ് ബാബു കാര്‍ത്തികേയന്‍ ഖജാഞ്ചിയായത്. 120 അംഗങ്ങളുണ്ടായിരുന്ന സംസ്ഥാന നിര്‍വാഹക സമിതി 41 ആക്കി ചുരുക്കി. ഇതില്‍ 24 പേര്‍ ശശീന്ദ്രന്‍ വിഭാഗവും 17 പേര്‍ തോമസ് ചാണ്ടി പക്ഷക്കാരുമാണ്. നിര്‍വാഹക സമതിയില്‍ ഭൂരിപക്ഷം ഉണ്ടായിട്ടും ശശീന്ദ്രന്‍ മന്ത്രിയായതിനെ തുടര്‍ന്നാണ് തോമസ് ചാണ്ടിയെ പ്രസിഡന്റാക്കിയത്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss