|    Sep 23 Sun, 2018 2:41 am
FLASH NEWS
Home   >  Todays Paper  >  Page 4  >  

തൊഴിലുറപ്പ് പദ്ധതി: കേരളത്തിന് 4 ദേശീയ പുരസ്‌കാരങ്ങള്‍

Published : 3rd September 2018 | Posted By: kasim kzm

തിരുവനന്തപുരം: ദേശീയ ഗ്രാമീണ തൊഴിലുറപ്പ് പദ്ധതിയില്‍ കേരളത്തിന് 4 ദേശീയ പുരസ്‌കാരങ്ങള്‍. സംസ്ഥാനങ്ങള്‍ക്ക് 9 വിഭാഗങ്ങളിലായാണ് ദേശീയ അവാര്‍ഡുകള്‍ നല്‍കുന്നത്. കഴിഞ്ഞവര്‍ഷം 2 വിഭാഗങ്ങളിലാണ് കേരളത്തിന് അവാര്‍ഡുകള്‍ ലഭിച്ചത്. ഇത്തവണ കേരളത്തിലെ തൊഴിലുറപ്പ് പദ്ധതിയുടെ ജലസംരക്ഷണ പ്രവര്‍ത്തനങ്ങളിലെ മികച്ച ഇടപെടലുകള്‍ക്കാണ് രാജ്യത്ത് കേരളം ഒന്നാംസ്ഥാനം നേടിയത്. അതോടൊപ്പം തൊഴിലുറപ്പ് കൂലി സമയബന്ധിതമായി വിതരണം ചെയ്യുന്നതിന് മൂന്നാംസ്ഥാനവും നേടി. തൊഴിലുറപ്പ് പദ്ധതി മാതൃകാപരമായി നടപ്പിലാക്കിയതില്‍ ഗ്രാമപ്പഞ്ചായത്ത് തലത്തില്‍ രാജ്യത്തെ മികച്ച 12 പഞ്ചായത്തുകളില്‍ ആലപ്പുഴ ജില്ലയിലെ ബുധനൂര്‍ പഞ്ചായത്ത് ഇടംപിടിച്ചു. തൊഴിലുറപ്പ് പദ്ധതിയില്‍ സര്‍ക്കാരിന്റെ മികച്ച ഇടപെടലുകളും തൊഴിലാളികളുടെയും ജീവനക്കാരുടെയും ആത്മാര്‍ഥമായ പരിശ്രമവുമാണ് വിജയത്തിന് പിന്നിലെന്ന് മന്ത്രി എ സി മൊയ്തീന്‍ പറഞ്ഞു.

 

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss