|    Feb 25 Sun, 2018 8:50 pm
FLASH NEWS

തൊഴിലുറപ്പ് ജോലി സമയം രാവിലെ ഒമ്പത് മുതല്‍ വൈകീട്ട് അഞ്ച് വരെ

Published : 10th February 2018 | Posted By: kasim kzm

പത്തനംതിട്ട: മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതി പ്രവൃത്തികളുടെ ജോലി സമയം രാവിലെ ഒമ്പത് മുതല്‍ വൈകിട്ട് അഞ്ച് വരെയാണെന്ന് പദ്ധതിയുടെ ജില്ലാ കോഓര്‍ഡിനേറ്റര്‍ കൂടിയായ ജില്ലാ കലക്ടര്‍ ആര്‍ ഗിരിജ. പദ്ധതിയുടെ ബ്ലോക്ക് പ്രോഗ്രാം ഓഫീസര്‍മാരുടെ അവലോകന യോഗത്തില്‍ സംസാരിക്കുകയായിരുന്നു കലക്ടര്‍. ഈ ജോലി സമയത്തിനിടയില്‍ ഒരു മണിക്കൂര്‍ വിശ്രമത്തിനായി ചെലവഴിക്കാം.  ഇത് സര്‍ക്കാര്‍ നിര്‍ദേശമാണെന്നും ഇക്കാര്യത്തില്‍ പ്രാദേശിക ഇളവുകള്‍ അനുവദനീയമല്ലെന്നും കലക്ടര്‍ പറഞ്ഞു. തൊഴിലുറപ്പ് ജോലിസ്ഥലത്ത് ആവശ്യമായ സൗകര്യങ്ങള്‍ ഉണ്ടെന്ന് ഗ്രാമ, ബ്ലോക്ക് പഞ്ചായത്ത് ഉദ്യോഗസ്ഥര്‍ ഉറപ്പുവരുത്തണം. തൊഴിലാളികള്‍ക്ക് സുരക്ഷിതമായ കുടിവെള്ളം, വിശ്രമിക്കുന്നതിനുള്ള ഷെഡ്, ഫസ്റ്റ് എയ്ഡ് ബോക്‌സ് എന്നിവ പ്രവൃത്തി സ്ഥലത്ത് നിര്‍ബന്ധമായും ഉണ്ടായിരിക്കണമെന്ന് കലക്ടര്‍ പറഞ്ഞു. ഫെബ്രുവരി 15 മുതല്‍ ആരംഭിക്കുന്ന എല്ലാ പ്രവൃത്തികള്‍ക്കും സിമന്റിലോ ഗ്രാനൈറ്റിലോ നിര്‍മിച്ച സ്ഥിരമായ ബോര്‍ഡുകള്‍ സ്ഥാപിച്ചിരിക്കണം. പദ്ധതിയിലാവശ്യമായ രജിസ്റ്ററുകള്‍ കാലികമാക്കി പഞ്ചായത്തില്‍ സൂക്ഷിക്കണമെന്നും കലക്ടര്‍ നിര്‍ദേശിച്ചു. ഓരോ 50 തൊഴിലാളികള്‍ക്കും സഹായത്തിനായി ഒരു മേറ്റിനെ ചുമതലപ്പെടുത്താം. പ്രവൃത്തിയെ സംബന്ധിച്ച് എല്ലാ രേഖകളും സൂക്ഷിക്കുക, തൊഴില്‍ കാര്‍ഡിലെ വിവരങ്ങള്‍ രേഖപ്പെടുത്തുക എന്നിവ പ്രവൃത്തി സ്ഥലത്തെ മേറ്റിന്റെ ചുമതലയാണ്. 100 ശതമാനം പ്രവൃത്തി സ്ഥലങ്ങളും ഗ്രാമ, ബ്ലോക്ക് ജീവനക്കാര്‍ പരിശോധിക്കണമെന്നും ആയതിന്റെ റിപോര്‍ട്ടുകള്‍ അതത് തദ്ദേശ സ്ഥാപനങ്ങളില്‍ സൂക്ഷിക്കണമെന്നും പദ്ധതിയുടെ ജോയിന്റ് പ്രോഗ്രാം കോഓര്‍ഡിനേറ്ററായ ദാരിദ്ര്യ ലഘൂകരണ വിഭാഗം പ്രോജക്ട് ഡയറക്ടര്‍ ജി കൃഷ്ണകുമാര്‍ പറഞ്ഞു. പരിശോധനാ റിപോര്‍ട്ടുകള്‍ ജില്ലാ സംസ്ഥാന ഉദ്യോഗസ്ഥര്‍ പരിശോധിക്കണമെന്ന് കലക്ടര്‍ നിര്‍ദേശിച്ചു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss