|    May 26 Sat, 2018 10:46 pm
FLASH NEWS

തൊഴിലാളി വാഹനങ്ങളുടെ അമിതവേഗം നിയന്ത്രിക്കണമെന്ന്‌

Published : 12th January 2018 | Posted By: kasim kzm

നെടുങ്കണ്ടം: തൊഴിലാളി വാഹനങ്ങള്‍ക്ക് അമിതവേഗം. ഇതുമൂലം നെടുങ്കണ്ടം ടൗണില്‍ അപകടങ്ങള്‍ നിത്യസംഭവമായി. നെടുങ്കണ്ടം അര്‍ബന്‍ ബാങ്ക് ജങ്ഷനില്‍ ഇന്നലെ അമിതവേഗത്തില്‍ എത്തിയ തൊഴിലാളി വാഹനം കാറുമായി കൂട്ടിയിടിക്കുകയും അപകടത്തെ തുടര്‍ന്ന് നാട്ടുകാര്‍ പ്രദേശത്ത് തടിച്ചു കൂടുകയും രംഗം വഷളാകുന്നതിനു മുമ്പ് പോലിസ് എത്തി തൊഴിലാളി വാഹനം സ്റ്റേഷനിലേക്ക് മാറ്റുകയും ചെയ്തു. തൊഴിലാളി വാഹനങ്ങളുടെ മരണപ്പാച്ചില്‍ അവസാനിപ്പിക്കണമെങ്കില്‍ അധികൃതര്‍ ശക്തമായ നടപടികള്‍ സ്വീകരിക്കണമെന്നും നടപടികള്‍ വൈകുന്തോറും അപകടങ്ങള്‍ തുടര്‍ക്കഥയാവുകയാണെന്നും നാട്ടുകാര്‍ പറയുന്നു. കഴിഞ്ഞ ദിവസം തൊഴിലാളി വാഹനങ്ങളുടെ അമിതവേഗത്തില്‍ സഹികെട്ട് നാട്ടുകാര്‍ വാഹനങ്ങള്‍ നെടുങ്കണ്ടത്ത് തടഞ്ഞതാണ്. സംഭവത്തെതുടര്‍ന്ന് പോലിസും ഗതാഗത വകുപ്പും ശക്തമായ നടപടികള്‍ കൈകൊള്ളും എന്ന് ഉറപ്പും നല്‍കിയിരുന്നു. എന്നാല്‍, ഈ സംഭവത്തിന് ശേഷം ദിവസങ്ങള്‍ക്ക് ഉള്ളില്‍ തന്നെ തമിഴ്‌നാട് വാഹനങ്ങളുടെ മരണപാച്ചില്‍ തുടരുകയാണ്.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss