|    May 25 Thu, 2017 9:55 pm
FLASH NEWS

തൊണ്ടയാട് മേല്‍പ്പാലം; പൈലിങ് തുടങ്ങി

Published : 1st May 2016 | Posted By: SMR

കോഴിക്കോട്: തൊണ്ടയാട് മേല്‍പ്പാലം പൈലിങ് ജോലികള്‍ തുടങ്ങി. ബൈപാസ് വന്ന ശേഷം അപകടങ്ങള്‍ പതിവായതും ഏറെ ഗതാഗതക്കുരുക്ക് അനുഭവപ്പെടുന്നതുമായ ഇവിടെ മേല്‍പ്പാലം വേണമെന്ന ആവശ്യത്തിന് ഏറെ പഴക്കമുണ്ട്.
നഗരത്തില്‍ നിന്നും മെഡിക്കല്‍ കോളജാശുപത്രിയിലേക്ക് പോകുന്ന രോഗികള്‍ക്കും ഏറെ വിഷമം സൃഷ്ടിച്ചിട്ടുണ്ട് ഈ കവല. 51.41 കോടി രൂപ ചെലവിലാണ് പാലം വരിക.
തൊണ്ടയാട് ബൈപ്പാസ് നാലുവരിയാക്കുന്നതിനുവേണ്ടി കണ്ടെത്തിയ സ്ഥലത്താണ് ഇപ്പോഴത്തെ ഗതാഗതത്തിന് തടസ്സം വരാതെ പാലം നിര്‍മാണ പ്രവൃത്തി. ഊരാളുങ്കല്‍ ലേബര്‍ കോണ്‍ട്രാക്ട് കോ-ഓപറേറ്റീവ് സൊസൈറ്റിയാണ് നിര്‍മാണ പ്രവൃത്തി ഏറ്റെടുത്തിട്ടുള്ളത്. രണ്ടു വരി റോഡായിരിക്കും മേല്‍പ്പാലത്തിലുണ്ടാവുക. 474 മീറ്റര്‍ നീളവും 12 മീറ്റര്‍ വീതിയുമുള്ള പാലത്തിന് 18 സ്പാനുകളും സ്ഥാപിക്കും. രാമനാട്ടുകരയിലും ഇതേ രീതിയിലുള്ള മേല്‍പ്പാലം പണിയുന്നുണ്ട്.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day