|    May 26 Fri, 2017 3:03 pm
FLASH NEWS

തൊടുപുഴയില്‍ നടക്കുന്നത് സൗഹൃദമല്‍സരം: എസ്ഡിപിഐ

Published : 25th April 2016 | Posted By: SMR

തൊടുപുഴ: തൊടുപുഴ നിയോജക മണ്ഡലത്തില്‍ ഇടതു-വലതു മുന്നണികള്‍ തമ്മില്‍ നടക്കുന്ന മല്‍സരം സൗഹൃദമത്സരമെന്ന് എസ്ഡിപിഐ ഇടുക്കി ജില്ല പ്രസിഡന്റ് കെഎം അബ്ദുള്‍ മജീദ്.
തൊടുപുഴയില്‍ നടന്ന നേതൃ സംഗമം ഉദ്ഘാടനം ചെയ്യുകയായിരുന്നു അദേഹം.യുഡി എഫിന്റെയും ചില സമുദായ നേതാക്കളുടെയും താല്‍പര്യത്തിനു വഴങ്ങിയാണ് ചില മണ്ഡലങ്ങളില്‍ ഇടതു പക്ഷം സ്ഥാനാര്‍ഥികളെ നിര്‍ത്തിയിരിക്കുന്നത്.തെരെഞ്ഞെടുപ്പിനു ശേഷം ഇടതു മുന്നണിയിലേയ്ക്ക് ചേക്കേറാന്‍ സാധ്യതയുള്ള സ്ഥാനാര്‍ഥികള്‍ക്കെതിരെ ഇടതുപക്ഷം ദുര്‍ബലരെയാണ് സ്ഥാനാര്‍ഥിയാക്കി നിര്‍ത്തിയിരിക്കുന്നത്.
ഇത്തരം കപട നാടകങ്ങള്‍ക്കെതിരെ വോട്ടര്‍മാര്‍ വിധിയെഴുതും.യഥാര്‍ഥ മത്സരം നടക്കുന്നത് യുഡിഎഫും എസ്ഡി പി ഐയും തമ്മിലാണ്.യോഗത്തില്‍ സ്ഥാനാര്‍ഥി റോയി അറയ്ക്കലിന്റെ തെരെഞ്ഞെടുപ്പ് പര്യടന പരിപാടികള്‍ക്ക് രൂപം നല്‍കി.
29നു നടക്കാനിരിക്കുന്ന ക ണ്‍വന്‍ഷനില്‍ ദേശീയ നേതാക്കളെ പങ്കൈടുപ്പിക്കാനും യോഗം തീരുമാനിച്ചു.എം എസ് സുബൈര്‍ അധ്യക്ഷത വഹിച്ച യോഗത്തില്‍ സക്കീര്‍ ഹുസൈന്‍,എംഎ മുജീബ്,റിയാസ് കാഞ്ഞാര്‍,കെഎസ് സുധീര്‍, എംഎ നജീബ്,ഷെമീര്‍ കുഞ്ചാവീടന്‍ എന്നിവര്‍ സംസാരിച്ചു

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day