|    Oct 23 Tue, 2018 7:17 am
FLASH NEWS

തേനീച്ചയുടെ കുത്തേറ്റ് ഗൃഹനാഥന് ഗുരുതര പരിക്ക്

Published : 15th December 2017 | Posted By: kasim kzm

പുതുക്കാട്: കല്ലൂര്‍ കാവല്ലൂരില്‍ തേനീച്ചയുടെ കുത്തേറ്റ് ഗൃഹനാഥന് ഗുരുതരമായി പരിക്കേറ്റു. കാവല്ലൂര്‍ പിഷാരത്ത് കൃഷ്ണന്‍കുട്ടിക്കാണ് പരിക്കേറ്റത്. ഇയാളെ തൃശൂരിലെ സ്വകാര്യ ആശുപത്രിയില്‍ പ്രവേശിപ്പിച്ചു. സമീപത്തെ കൈപ്പിള്ളി ശങ്കരന്‍കുട്ടിയുടെ ഫാമിലെ പശുവിനും തേനീച്ചയുടെ കുത്തേറ്റു. പരിക്കേറ്റയാളുടെ വീടിന് പുറകിലെ പനയുടെ മുകളിലാണ് വന്‍ തേനീച്ചകൂട് സ്ഥിതി ചെയ്യുന്നത്. പരുന്തുകളുടെ ആക്രമണത്തില്‍ തേനീച്ചകള്‍ ഇളകുകയായിരുന്നു. സംഭവത്തെതുടര്‍ന്ന് ആരോഗ്യവകുപ്പ് അധികൃതര്‍ പ്രദേശത്തെ വീടുകളില്‍ എത്തി നിര്‍ദേശം നല്‍കി. വനംവകുപ്പിന്റെ നേതൃത്വത്തില്‍ കൂട് നശിപ്പിക്കാനുള്ള തീരുമാനത്തിലാണ് അധികൃതര്‍. തൃക്കൂര്‍ പഞ്ചായത്ത് അധികൃതരും സ്ഥലത്തെത്തിയിരുന്നു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss