|    Feb 21 Wed, 2018 3:07 pm
FLASH NEWS
Home   >  Todays Paper  >  page 12  >  

തെലങ്കാനയില്‍ പൂട്ടിയ ജയിലുകള്‍ അഭയകേന്ദ്രങ്ങളാക്കുന്നു

Published : 13th February 2018 | Posted By: kasim kzm

ഹൈദരാബാദ്: സംസ്ഥാനത്ത് അടച്ചുപൂട്ടിയ 14 സബ് ജയിലുകള്‍ അഭയകേന്ദ്രങ്ങളാക്കാന്‍ തെലങ്കാന ജയില്‍ വകുപ്പ് തീരുമാനിച്ചു. വേണ്ടത്ര തടവുകാര്‍ ഇല്ലാത്തതിനാല്‍ ജയിലധികൃതര്‍ ഈ വര്‍ഷാവസാനത്തോടെ നാലോ അഞ്ചോ സബ് ജയിലുകള്‍ കൂടി അടച്ചുപൂട്ടും. അവ മാനസിക വെല്ലുവിളി നേരിടുന്നവര്‍, അനാഥര്‍, അഗതികളായ സ്ത്രീകള്‍, ശാരീരിക വെല്ലുവിളി നേരിടുന്നവര്‍ എന്നിവര്‍ക്കായുള്ള അഭയകേന്ദ്രമായി മാറ്റുമെന്നു ജയില്‍ ഡയറക്ടര്‍ ജനറല്‍ വി കെ സിങ് മാധ്യമപ്രവര്‍ത്തകരോട് പറഞ്ഞു. അഭയകേന്ദ്രങ്ങളിലെ അന്തേവാസികളുടെ കഴിവുകള്‍ പോഷിപ്പിച്ച് അവര്‍ നിര്‍മിക്കുന്ന ഉല്‍പന്നങ്ങള്‍ വിപണനം ചെയ്യുന്നതിനുള്ള മാര്‍ഗങ്ങള്‍ തേടുമെന്നും അദ്ദേഹം പറഞ്ഞു. നേരത്തേ ചഞ്ചല്‍ ഗുഡ, ചേരപ്പള്ളി ജയിലുകള്‍ ഭിക്ഷാടകരുടെ പുനരധിവാസ കേന്ദ്രങ്ങളാക്കി മാറ്റിയിരുന്നു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss