|    Apr 20 Fri, 2018 5:07 am
FLASH NEWS

തെലങ്കാനയില്‍ കാസര്‍കോട് സ്വദേശികളെ ആക്രമിച്ച് പണം കവര്‍ന്ന സംഭവം: രണ്ടു പേര്‍ ഒളിവില്‍

Published : 4th March 2018 | Posted By: kasim kzm

വിദ്യാനഗര്‍: തെലുങ്കാനയില്‍ കാസര്‍കോട് സ്വദേശികളെ കാര്‍ തടഞ്ഞ് നിര്‍ത്തി മുളക് പൊടി വിതറി മര്‍ദ്ദിച്ച ശേഷം രണ്ട് ലക്ഷം രൂപ കവര്‍ന്ന കേസില്‍ പിടിയിലാവാന്‍ ഇനി രണ്ടുപേര്‍ കൂടി.
തിരുവനന്തപുരം, തൃശൂര്‍ സ്വദേശികളായ രണ്ടുപേരാണ് പിടിയിലാവാനുള്ളത്. നാലുപേരെ കഴിഞ്ഞ ദിവസം വിദ്യാനഗര്‍ പോലിസ് അറസ്റ്റ് ചെയ്ത് കോടതിയില്‍ ഹാജരാക്കി തെലുങ്കാന പോലിസിന് കൈമാറി.
ഉളിയത്തടുക്കയിലെ ചാര്‍ളി സത്താര്‍, മായിപ്പാടിയിലെ മുഹമ്മദ് തമീം, ചെര്‍ളടുക്കയിലെ ഫൈസല്‍, അബ്ദുല്‍ മുനീര്‍ എന്നിവരാണ് അറസ്റ്റിലായത്. ഇവരെ തെലുങ്കാനയിലേക്ക് കൊണ്ടുപോയി. കവര്‍ച്ചാസംഘം ഉപയോഗിച്ച ഡിസയര്‍ കാര്‍ കണ്ടെത്താനുള്ള അന്വേഷണത്തിലാണ് പോലിസ് ഇപ്പോള്‍.
കഴിഞ്ഞ വര്‍ഷം ജൂലായ് 12ന് തെലുങ്കാനയിലെ വികാര്‍ബാദ് മൂമിന്‍പേട്ട് പൊലീസ് സ്‌റ്റേഷന്‍ പരിധിയില്‍ വെച്ച് മധ്യപ്രദേശിലെ ഫാക്ടറി ജീവനക്കാരായ ചെമനാട്ടെ ഇബ്രാഹിം, അണങ്കൂരിലെ സത്താര്‍ എന്നിവരെ അക്രമിച്ചാണ് പണം കവര്‍ന്നത്.
പ്രതികളെ തിങ്കളാഴ്ച പൊലിസ് കസ്റ്റഡിയില്‍ ആവശ്യപ്പെട്ട് കോടതിയില്‍ ഹരജി നല്‍കുമെന്ന് തെലുങ്കാന പൊലീസ് പറഞ്ഞു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Dont Miss