|    Dec 19 Tue, 2017 12:06 am
FLASH NEWS

തെരുവുനായ്ക്കളുടെയും കുറുക്കന്‍മാരുടെയും ശല്യം രൂക്ഷംകതിരൂരില്‍ 20 പേരെ ഭ്രാന്തന്‍ നായ ആക്രമിച്ചു

Published : 1st December 2017 | Posted By: kasim kzm

തലശ്ശേരി: കതിരൂര്‍ മേഖലയിലെ കുറ്റിച്ചാല്‍, കാരക്കുന്ന് പ്രദേശങ്ങളില്‍ ഭ്രാന്തന്‍ നായയുടെ വിളയാട്ടം. കടിയേറ്റ് ഇരുപതോളം പേരെ തലശ്ശേരി ജനറല്‍ ആശുപത്രിയിലും സ്വകാര്യ ആശുപത്രികളിലും പ്രവേശിപ്പിച്ചു. ഗുരുതരമായി പരിക്കേറ്റ കാരക്കുന്നിലെ കടത്തനാടന്‍ മാധവി (85)യെ കോഴിക്കോട് മെഡിക്കല്‍ കോളേജ് ആശുപത്രിയിലേക്ക് മാറ്റി. എം രാഘവന്‍ ( 79) വി രാജന്‍ (55) പ്രവീണ (35) കെ പി നിര്‍മല (35), ഷാഹിന (34), ഹഫ്‌സത്ത് (60), മുഹമ്മദ് (68), പി കെ രാധ (58), അജിത (31), അതുല്യ (17) തുടങ്ങിയവരെയാണ് ജനറല്‍ ആശുപത്രിയില്‍ കഴിയുന്നത്. കൈക്കും മുഖത്തും ഉള്‍പ്പെടെയാണ് കടിയേറ്റത്. ഇന്നലെ വൈകീട്ട് അഞ്ചോടെയാണ് സംഭവം. സംഭവത്തിനുശേഷം നാട്ടുകാര്‍ നായയെ തല്ലിക്കൊന്നു. എന്നാല്‍ ഒന്നി ല്‍ കൂടുതല്‍ നായ്ക്കള്‍ ഉണ്ടെന്നാണ് നാട്ടുകാര്‍ പറയുന്നത്. ജില്ലയില്‍ പലയിടത്തും തെരുവുനായ്ക്കളുടെയും കുറുക്കന്മാരുടെയും ശല്യം രൂക്ഷമാണ്. ഇക്കഴിഞ്ഞ നവംബര്‍ 17ന് ഉരുവച്ചാല്‍ ശിവപുരത്ത് ഒമ്പതുപേര്‍ക്ക് ഭ്രാന്തന്‍ കുറുക്കന്റെ ആക്രമണത്തില്‍ പരിക്കേറ്റിരുന്നു.

വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Dont Miss