|    Jul 27 Thu, 2017 8:26 am
FLASH NEWS
Home   >  Todays Paper  >  page 7  >  

തെരുവുനായകളെ കൊല്ലുന്ന യുവാവിനെ തേടി പോലിസ്

Published : 22nd March 2016 | Posted By: SMR

ന്യൂഡല്‍ഹി: ദക്ഷിണ ഡല്‍ഹിയില്‍ തെരുവുനായകളെ കൊലപ്പെടുത്തുന്ന യുവാവിനെ തേടി പോലിസ് അന്വേഷണം ഊര്‍ജിതമാക്കി. കഴിഞ്ഞ രണ്ടാഴ്ചയ്ക്കുള്ളില്‍ പ്രദേശത്തുനിന്നു കാണാതായത് 12ലേറെ നായകളെയാണ്. നിരവധി നായകളെ ദേഹത്ത് വെട്ടേറ്റ നിലയിലും കണ്ടെത്തിയിട്ടുണ്ട്.
ഇതിനിടെ ഹോസ്‌കാസ് പോലിസ് സ്‌റ്റേഷന്‍ പരിധിയിലുള്ള ഗ്രീന്‍പാര്‍ക്ക് മെട്രോ സ്‌റ്റേഷന്റെ സിസിടിവി ദൃശ്യത്തില്‍ ഒരു യുവാവ് നായകളെ ഭക്ഷണം നല്‍കി ആകര്‍ഷിച്ച് കത്തികൊണ്ട് പരിക്കേല്‍പിക്കുന്നതു കണ്ടെത്തിയിട്ടുണ്ട്. അടുത്തുള്ള ഒരു കടയുടെ വീഡിയോവിലും ഈ ദൃശ്യം പതിഞ്ഞിട്ടുണ്ട്. പരിസരപ്രദേശത്ത് പരിശോധന നടത്തിയ പോലിസ് ഒരു നായക്കുട്ടിയെ കഴുത്തറുത്തുകൊന്ന നിലയിലും മൂന്നു നായകളെ ഗുരുതരമായി പരിക്കേറ്റ നിലയിലും കണ്ടെത്തി.
അജ്ഞാത യുവാവിനെതിരേ പോലിസ് കേസെടുത്ത് അന്വേഷണം തുടങ്ങി. വീഡിയോദൃശ്യങ്ങള്‍ സാമൂഹിക മാധ്യമങ്ങളില്‍ പോസ്റ്റ് ചെയ്ത് കുറ്റവാളിയെ കണ്ടെത്താനുള്ള ശ്രമത്തിലാണ് പോലിസ്. പ്രതിയെ കണ്ടെത്താന്‍ സഹായിക്കുന്നവര്‍ക്ക് ഒരു സന്നദ്ധസംഘടന ഒരു ലക്ഷം രൂപ പാരിതോഷികം പ്രഖ്യാപിച്ചതായും പോലിസ് അറിയിച്ചു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക