|    Jan 24 Tue, 2017 10:44 pm
FLASH NEWS

നാദാപുരം തെരുവന്‍പറമ്പില്‍ സ്‌ഫോടനം; മൂന്നുപേര്‍ക്ക് പരിക്ക്

Published : 28th April 2016 | Posted By: SMR

നാദാപുരം: കല്ലാച്ചിക്കടുത്ത് തെരുവന്‍പറമ്പില്‍ ബോംബ് സ്‌ഫോടനത്തില്‍ മൂന്നു പേര്‍ക്ക് ഗുരുതര പരിക്ക്. ഗവ. കോളജ് പരിസരത്ത് കിണമ്പറകുന്നിലാണ് ഇന്നലെ രാത്രി 9.30ഓടെ ഉഗ്രശബ്ദത്തോടെ സ്‌ഫോടനമുണ്ടായത്. നരിപ്പറ്റ സ്വദേശി ലിനീഷ്, തെരുവന്‍പറമ്പ് വിവേക്, ജിഷ്ണു എന്നിവര്‍ക്കാണ് പരിക്ക്. കല്ലാച്ചിയിലെ സ്വകാര്യ ആശുപത്രിയിലെ പ്രാഥമിക ശുശ്രൂഷക്ക് ശേഷം കോഴിക്കോട് മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. ഒരാളുടെ കൈപ്പത്തി നഷ്ടപ്പെട്ടിട്ടുണ്ട്. ബോംബ് നിര്‍മാണത്തിനിടെ സ്‌ഫോടനമുണ്ടായെന്നാണ് പോലിസ് നിഗമനം. കൂടുതല്‍ പേര്‍ക്ക് പരിക്കേറ്റതായി പറയപ്പെടുന്നു.
പരിക്കേറ്റവരെല്ലാം സിപിഎം പ്രവര്‍ത്തകരാണ്. സ്‌ഫോടനമുണ്ടായ സ്ഥലത്തേക്ക് പോയവരെ ഒരു സംഘം തടഞ്ഞതായും എതിര്‍ത്തവരെ മര്‍ദ്ദിച്ചതായും ആരോപണമുണ്ട്. നാദാപുരം ഡിവൈഎസ്പിയുടെ നേതൃത്വത്തില്‍ വന്‍ പോലിസ് സംഘം പ്രദേശത്ത് ക്യാംപ് ചെയ്യുന്നുണ്ട്. ഒരാഴ്ച മുമ്പ് മുടവന്തേരിയില്‍ ബോംബ് നിര്‍മാണത്തിനിടെ സ്‌ഫോടനം നടന്ന് ലീഗ് പ്രവര്‍ത്തകന്റെ കൈപ്പത്തിക്ക് സാരമായി പരിക്കേറ്റിരുന്നു.

Share on FacebookShare on Google+Tweet about this on TwitterShare on LinkedIn
(Visited 549 times, 2 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക