|    Feb 24 Sat, 2018 11:50 pm
FLASH NEWS
Home   >  Todays Paper  >  page 9  >  

തെക്കന്‍ ചൈനാ കടലില്‍ ചൈന റോക്കറ്റ് ലോഞ്ചര്‍ വിന്യസിച്ചു

Published : 18th May 2017 | Posted By: fsq

 

ബെയ്ജിങ്: അതിര്‍ത്തി തര്‍ക്കം നിലനില്‍ക്കുന്ന തെക്കന്‍ ചൈനാ കടലില്‍ ചൈന റോക്കറ്റ് ലോഞ്ചറുകള്‍ വിന്യസിച്ചു. തര്‍ക്കത്തിലുള്ള സ്പ്രാട്ട്‌ലി ദ്വീപുകളിലെ ഫെറി ക്രോസ് ദ്വീപിലാണ് റോക്കറ്റ് ലോഞ്ചറുകള്‍ സ്ഥാപിച്ചത്്. വിയറ്റ്‌നാം, തായ്‌വാന്‍, ഫിലിപ്പീന്‍സ് എന്നീ രാജ്യങ്ങളും അവകാശം ഉന്നയിക്കുന്ന ദ്വീപാണ് ഫെറി ക്രോസ്. ദ്വീപിലെ തായ്‌വാന്റെ കടന്നുകയറ്റം തടയാനാണ് റോക്കറ്റ് ലോഞ്ചര്‍ ഉള്‍പ്പെടെയുള്ള പ്രതിരോധ സംവിധാനങ്ങളെന്ന് ചൈനയുടെ ഔദ്യോഗിക മാധ്യമം റിപോര്‍ട്ട് ചെയ്യുന്നു. 2014ല്‍ ഫെയറി റീഫിന് സമീപമുള്ള പാരാസെല്‍ ദ്വീപില്‍ വിയറ്റ്‌നാം മീന്‍പിടിത്ത വലകള്‍ സ്ഥാപിച്ചിരുന്നു. എന്നാല്‍, ചൈന എന്നാണ് റോക്കറ്റ് ലോഞ്ചറുകള്‍ സ്ഥാപിച്ചതെന്ന് വ്യക്തമല്ല. ശത്രുവിന്റെ നീക്കം കണ്ടെത്താനും തിരിച്ചടിക്കാനും കഴിയുന്ന ആന്റി ഫ്രോഗ്മാന്‍ സംവിധാനമാണ് ചൈന  സ്ഥാപിച്ചത്. അമേരിക്ക ഉള്‍പ്പെടെയുള്ള രാജ്യങ്ങള്‍ ചൈനീസ് നീക്കത്തിന് എതിരേ രംഗത്തെത്തിക്കഴിഞ്ഞു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss