|    Dec 19 Wed, 2018 12:30 am
FLASH NEWS

തൃശൂര്‍ ജില്ലാ കലക്ടറായി ടി വി അനുപമ ചുമതലയേറ്റു

Published : 8th June 2018 | Posted By: kasim kzm

തൃശൂര്‍: തൃശൂര്‍ ജില്ലാ കളക്ടറായി ടി വി അനുപമ ചുമതലയേറ്റു. ഇന്നലെ രാവിലെ കളക്‌ട്രേറ്റിലെത്തിയ നിയുക്ത കളക്ടറെ സബ് കളക്ടര്‍ ഡോ.രേണുരാജ്, എഡിഎം ഇന്‍ചാര്‍ജ് എം ബി ഗിരീഷ് എന്നിവരുടെ നേതൃത്വത്തില്‍ ഉദ്യോഗസ്ഥരും ജീവനക്കാരും ചേര്‍ന്ന് സ്വീകരിച്ചു.
തുടര്‍ന്ന് കളക്ടര്‍ ഓഫീസിലെത്തി ചുമതലയേറ്റു. തന്റെ പ്രവര്‍ത്തനങ്ങളില്‍ മുന്‍വിധികളില്ലെന്നും തൃശൂരിനെക്കുറിച്ച് വ്യക്തമായി പഠിച്ച് പ്രവര്‍ത്തിക്കുമെന്നും ടി വി അനുപമ പറഞ്ഞു. ആലപ്പുഴയില്‍ കളക്ടറായിരുന്ന ടി വി അനുപമ, മന്ത്രിയായിരുന്ന തോമസ് ചാണ്ടിയുടെ ഭൂമി കയ്യേറ്റവുമായി ബന്ധപ്പെട്ട കേസില്‍ കോടതിയില്‍ നിര്‍ണായക റിപ്പോര്‍ട്ട് നല്‍കിയിരുന്നു.
ഈ റിപ്പോര്‍ട്ടാണ് പിന്നീട് മന്ത്രിയുടെ രാജിക്ക് പ്രധാന കാരണമായത്. മുന്‍ ഭക്ഷ്യ സുരക്ഷാകമ്മീഷണറായിരിക്കെ കേരളത്തിലെ ഒരു പ്രമുഖ ഭക്ഷ്യോല്‍പന്ന കമ്പനിയുടെ ഉല്‍പ്പന്നങ്ങളില്‍ മായം കണ്ടെത്തി നടപടിയെടുത്തും ടി വി അനുപമ ശ്രദ്ധേയയായിരുന്നു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss