|    Aug 18 Fri, 2017 7:56 pm
FLASH NEWS

തൃക്കാക്കരയില്‍ ഡെങ്കിപനി പടര്‍ന്നുപിടിക്കുന്നു

Published : 20th June 2017 | Posted By: fsq

 

കാക്കനാട്: തൃക്കാക്കരയില്‍ ഡെങ്കിപനി പടര്‍ന്നുപിടിക്കുന്നു. നടപടി ആവശ്യപ്പെട്ട്  ഹെല്‍ത്ത് ഇന്‍സ്‌പെക്ടറെ ഉപരോധിച്ചു.തൃക്കാക്കര നഗരസഭ പ്രദേശത്ത് ഡെങ്കിപനി പടര്‍ന്നുപിടിച്ചിട്ടും പ്രതിരോധ നടപടികള്‍ സ്വീകരിക്കാത്തതിനെതിരേ ന്യൂനപക്ഷ സെല്‍ തൃക്കാക്കര ഈസ്റ്റ് മണ്ഡലം കമ്മറ്റിയുടെ നേതൃത്വത്തില്‍  ഹെല്‍ത്ത് ഇന്‍സ്‌പെക്ടറെ ഉപരോധിച്ചു. ഇന്നലെ രാവിലെ പതിനൊന്നുമണിയോടെയായിരുന്നു ഉപരോധം. നഗരസഭ പ്രദേശത്തെ വിവിധ വാര്‍ഡുകളില്‍ നിരവധി പേര്‍ക്ക് ഡെങ്കിപനിയും, മഞ്ഞപിത്തവും പിടിപ്പെട്ടിട്ടും നഗര സഭ ആരോഗ്യ വിഭാഗം പ്രതിരോധ നടപടികള്‍ സ്വീകരിക്കാത്തതില്‍ പ്രതിക്ഷേധിച്ചായിരുന്നു ഉപരോധം. കോണ്‍ഗ്രസ് മണ്ഡലം പ്രിസിഡന്റെ എം ഒ വര്‍ഗിസ്,ന്യൂനപക്ഷ സെല്‍ മണ്ഡലം പ്രസിഡന്റ് ബാബു ആന്റണി, റാഷിദ് ഉളളംപിളളി, പി സി മനൂപ്, ഷൈജന്‍, ബിനീഷ്, തുടങ്ങിയവരുടെ നേതൃത്വത്തിലായിരുന്നു ഉപരോധം. കുടുബശ്രീ പ്രാഥമിക ആരോഗ്യ കേന്ദ്രത്തിലെ ഡോക്ടര്‍മാര്‍,ആശാവര്‍ക്കര്‍മാര്‍ എന്നിവരെ ഉള്‍പ്പെടുത്തി മെഡിക്കല്‍ ക്യാംപും, ഫോഗിങ്, ക്ലോറിനേഷന്‍,എന്നിവ നടത്തുമെന്ന് പ്രതിഷേധക്കാര്‍ക്ക് ഹെല്‍ത്ത് ഇന്‍സ്‌പെക്ടര്‍ ദിലീപ് ഉറപ്പ് നല്‍കിയ ശേഷമാണ് സമരം അവസാനിപ്പിച്ചത്.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക