|    Dec 19 Tue, 2017 4:02 am
FLASH NEWS

തുറമുഖ പാക്കേജ് നടപ്പാക്കിയില്ല ; വിഴിഞ്ഞം ഇടവക സമര മുഖത്തേക്ക്‌

Published : 21st April 2017 | Posted By: fsq

 

വിഴിഞ്ഞം: വിഴിഞ്ഞം അന്താരാഷ്ട്ര തുറമുഖ നിര്‍മാണവുമായി ബന്ധപ്പെട്ടു നടപ്പിലാക്കിയ പാക്കേജുകളില്‍ തൊഴില്‍ നഷ്ടപ്പെട്ട  ഇടവകയിലെ മല്‍സ്യതൊഴിലാളികളെ അവഗണിച്ചതില്‍ പ്രതിഷേധിച്ച് ഇടവകയുടെ നേതൃത്വത്തില്‍ മല്‍സ്യതൊഴിലാളികല്‍ സമരവുമായി രംഗത്തിറങ്ങുന്നു. കരമടി, കട്ടമരം, മോട്ടോര്‍യാന മല്‍സ്യതൊഴിലാളികള്‍, മല്‍സ്യകച്ചവടക്കാര്‍, ലേലക്കാര്‍ എന്നിവരുടെ നഷ്ടപരിഹാര പാക്കേജിന്റെ കാര്യത്തിലും പുനരധിവാസവുമായി ബന്ധപ്പെട്ട കാര്യത്തിലും ബന്ധപ്പെട്ട അധികൃതര്‍ തൊഴിലാളികളെ വഞ്ചിക്കുകയായിരുന്നുവെന്ന് ഇടവക അധികൃതര്‍ ആരോപിച്ചു. ഇതില്‍ പ്രതിഷേധിച്ചാണ് തുറമുഖ നിര്‍മാണ പ്രവര്‍ത്തനം സ്തംഭിപ്പിച്ചുകൊണ്ടുള്ളതടക്കമുള്ള സമരം നടത്താന്‍ ഇന്നലെ വിഴിഞ്ഞം പാരിഷ് ഹാളില്‍ നടത്തിയ യോഗം തീരുമാനിച്ചു. യോഗം ഇടവക വികാരി റവ. ഫാ. വില്‍ഫ്രഡ് ഉദ്ഘാടനം ചെയ്തു. സെക്രട്ടറി ഈസാക്ക് ജോണ്‍ കൗണ്‍സില്‍ അംഗങ്ങള്‍, ഹാര്‍ബര്‍ സമിതി അംഗങ്ങള്‍ സംസാരിച്ചു.

വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Dont Miss