|    Sep 20 Wed, 2017 4:06 am
FLASH NEWS
Home   >  Todays Paper  >  Page 4  >  

തുണിക്കടയില്‍ മൊബൈല്‍ ഫോണ്‍ കാമറ; ജീവനക്കാരന്‍ അറസ്റ്റില്‍

Published : 18th May 2016 | Posted By: SMR

കൊച്ചി: തുണിക്കടയിലെ ട്രയല്‍ റൂമില്‍ മൊബൈല്‍ കാമറ ഒളിപ്പിച്ചുവച്ച ജീവനക്കാരന്‍ അറസ്റ്റില്‍. പിറവത്തെ ഒരു തുണിക്കടയിലെ ജീവനക്കാരനായ തൃശൂര്‍ കുന്നംകുളം സ്വദേശി സിജോ(29) ആണ് അറസ്റ്റിലായത്.
ഇന്നലെ രാവിലെ ജീന്‍സ് വാങ്ങാനായി കടയിലെത്തിയ പത്തൊമ്പതുകാരിയാണ് മൊബൈല്‍ ഫോണ്‍ കണ്ടെടുത്തത്. ലെഗ്ഗിന്‍സ് മാറ്റിയ ശേഷം ജീന്‍സ് ഇട്ടുനോക്കിയാലേ പാകമാണോ എന്നറിയാന്‍ കഴിയൂവെന്ന് ജീവനക്കാരന്‍ പെണ്‍കുട്ടിയെ ഉപദേശിച്ചിരുന്നു. ഇതില്‍ സംശയം തോന്നിയ പെണ്‍കുട്ടി ട്രയല്‍ റൂമില്‍ കയറി സൂക്ഷ്മമായി പരിശോധിച്ചപ്പോഴാണ് മൊബൈല്‍ ഫോണ്‍ കണ്ടെത്തിയത്. ഉടന്‍ തന്നെ മൊബൈല്‍ ഫോണ്‍ കടയുടമയെ ഏല്‍പിച്ച പെണ്‍കുട്ടിയും കുടുംബവും വിവരം പിറവം പോലിസിനെ അറിയിച്ചു.
പോലിസ് എത്തി കടയുടമയില്‍ നിന്ന് മൊബൈല്‍ ഫോണ്‍ കസ്റ്റഡിയില്‍ വാങ്ങി പരിശോധിച്ചെങ്കിലും അതില്‍ ട്രയല്‍ റൂമിലെ ദൃശ്യങ്ങളൊന്നും ഉണ്ടായിരുന്നില്ല. ദൃശ്യങ്ങള്‍ കടയുടമ മായ്ച്ചു കളഞ്ഞതാണോ എന്ന സംശയമാണ് പോലിസിനുള്ളത്. ഇത് കണ്ടെത്തുന്നതിനായി ഫോണ്‍ സി ഡിറ്റില്‍ പരിശോധനക്കയക്കാന്‍ തീരുമാനിച്ചു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക