|    Apr 21 Sat, 2018 1:21 pm
FLASH NEWS
Home   >  Sports  >  Football  >  

തുടര്‍ തോല്‍വികള്‍; ആഷ്‌ലി വെസ്റ്റ്‌വുഡ് എടികെ പരിശീലകസ്ഥാനമൊഴിഞ്ഞു

Published : 3rd March 2018 | Posted By: vishnu vis

കൊല്‍ക്കത്ത: ഐഎസ്എല്ലിലെ നിലവിലെ ചാംപ്യന്‍മാരായ കൊല്‍ക്കത്തയുടെ പരിശീലകന സ്ഥാനത്ത് നിന്ന് ആഷ്‌ലി വെസ്റ്റ്‌വുഡ് രാജിവച്ചു. നേരത്തെ മുഖ്യ പരിശീലകനായിരുന്നു ടെഡി ഷെറിങ്ഹാമിന് പകരക്കാരനായിട്ടായിരുന്നു ആഷ്‌ലി വെസ്റ്റ്‌വുഡിന കൊല്‍ക്കത്ത പരിശീലകനാക്കിയത്. ഈ സീസണിലെ കൊല്‍ക്കത്തയുടെ അവസാന മല്‍സരം നാള നോര്‍ത്ത് ഈസ്റ്റ് യുനൈറ്റഡിനെതിരേ നടക്കാനിരിക്കെയാണ് ആഷ്‌ലി വെസ്റ്റ്‌വുഡ് രാജിവച്ചത്. ആഷ്‌ലി വെസ്റ്റ്‌വുഡ് കീഴില്‍ കൊല്‍ക്കത്തയ്ക്ക് ഒരു മല്‍സരത്തില്‍ പോലും ജയിക്കാന്‍ കഴിഞ്ഞിരുന്നില്ല. ഏഴ് മല്‍സരങ്ങള്‍ ആഷ്‌ലി വെസ്റ്റ്‌വുഡിന്റെ കീഴില്‍ കളിച്ച കൊല്‍ക്കത്ത ആറിലും തോറ്റപ്പോള്‍ ഒരു മല്‍സരത്തില്‍ സമനിലയും നേടി. അവസാന മൂന്ന് സീസണിലും മിന്നും പ്രകടനം കാഴ്ചവച്ച കൊല്‍ക്കത്ത ഈ സീസണില്‍ 17 മല്‍സരത്തില്‍ നിന്ന് 13 പോയിന്റോടെ ഒമ്പതാം സ്ഥാനത്താണ്. സഹപരിശീലകന്‍ ബസ്താബ് റോയിയുടെ കീഴിലാവും അവസാന മല്‍സരത്തില്‍ എടികെ ബൂട്ടണിയുക.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Dont Miss