|    May 26 Fri, 2017 11:11 am
FLASH NEWS

തുടര്‍ച്ചയായി 28ാം ജയം; സാനിയ- ഹിംഗിസ് ജോടി ലോകറെക്കോഡിനൊപ്പം

Published : 14th January 2016 | Posted By: SMR

സിഡ്‌നി: സിഡ്‌നി അന്താരാഷ്ട്ര ടെന്നിസ് ടൂര്‍ണമെന്റിലെ മിന്നും ജയത്തോടെ ഇന്തോ-സ്വിസ് ജോടികളും ലോക ഒന്നാം നമ്പര്‍ വനിതാ ഡബിള്‍സ് താരങ്ങളുമായ സാനിയാ മിര്‍സ-മാര്‍ട്ടിന ഹിംഗിസ് സഖ്യം ലോക റെക്കോഡിനൊപ്പമെത്തി. തുടര്‍ച്ചയായി 28 ജയങ്ങള്‍ നേടിയ സാനിയ-ഹിംഗിസ് സഖ്യം മുമ്പു റെക്കോഡ് നേടിയ ജിജി ഫെര്‍ണാണ്ടസ്-നതാഷ സ്വരേവ സഖ്യത്തിനൊപ്പമെത്തിയിരിക്കുകയാണ്.
1994 മുതല്‍ 2015 വരെയുള്ള കാലഘട്ടത്തിലാണ് ജിജി ഫെര്‍ണാണ്ടസ്-നതാഷ സ്വരേവ സഖ്യം റെക്കോഡ് നേട്ടം കൈവരിച്ചതെങ്കില്‍ വെറും രണ്ടു വര്‍ഷം കൊണ്ടാണ് സാനിയയും ഹിംഗിസും ഇവരുടെ റെക്കോഡിനൊപ്പമെത്തുന്നത്. പത്ത് പ്രധാന കിരീടങ്ങളാണ് രണ്ടു വര്‍ഷത്തിനുള്ളില്‍ സാനിയ-ഹിംഗിസ് സഖ്യം സ്വന്തമാക്കിയത്.
സിഡ്‌നി അന്താരാഷ്ട്ര ടൂര്‍ണമെന്റിലെ കഴിഞ്ഞ ദിവസം നടന്ന മല്‍സരത്തില്‍ ചൈനയുടെ ചെന്‍ ലിയാങ്-ഷുവായ് പെങ് സഖ്യത്തെയാണ് ഇന്തോ-സ്വിസ് ജോടി 6-2, 6-3 സ്‌കോറിന് പരാജയപ്പെടുത്തിയത്. ജയത്തോടെ ടൂര്‍ണമെന്റിന്റെ സെമി ഫൈനലിലെത്താനും സഖ്യത്തിനു സാധിച്ചിരുന്നു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day