|    Feb 22 Thu, 2018 12:43 pm
FLASH NEWS
Home   >  Todays Paper  >  page 10  >  

തുടര്‍ച്ചയായി പരീക്ഷ; വിദ്യാര്‍ഥികള്‍ക്ക് പ്രതിഷേധം

Published : 8th February 2018 | Posted By: kasim kzm

തേഞ്ഞിപ്പലം: കാലിക്കറ്റ് സര്‍വകലാശാല പരീക്ഷാഭവന്‍ ഇടവേളയില്ലാതെ തുടര്‍ച്ചയായി പരീക്ഷ പ്രഖ്യാപിച്ചതിനെതിരേ വിദ്യാര്‍ഥികളില്‍ പ്രതിഷേധം. ഫെബ്രുവരി ഒന്നിനുള്ള വിജ്ഞാപനം പ്രകാരം ഈ മാസം 19 മുതല്‍ 23 വരെ നാലാം സെമസ്റ്റര്‍ ത്രിവല്‍സര എല്‍എല്‍ബി അടക്കമുള്ള പരീക്ഷകള്‍ നടത്താനാണു പരീക്ഷാഭവന്‍ തീരുമാനം. ബിബിഎ എല്‍എല്‍ ബി പരീക്ഷകളും 19 മുതല്‍ തുടര്‍ച്ചയായി നടത്താനും സര്‍വകലാശാല തീരുമാനിച്ചിട്ടുണ്ട്.ത്രിവല്‍സര എല്‍എല്‍ബി രണ്ടാം സെമസ്റ്റര്‍ പരീക്ഷകള്‍ ഈ മാസം 26 മുതലാണു നിശ്ചയിച്ചിരിക്കുന്നത്. ഈ പരീക്ഷകള്‍ക്കൊന്നും ഒരൊറ്റ ദിവസത്തെ ഇടവേള പോലുമില്ലെന്നാണ് പരാതി. എന്നാല്‍, മാസ്റ്റര്‍ ഓഫ് ഹോസ്പിറ്റല്‍ അഡ്മിനിസ്‌ട്രേഷന്‍, എംഎസ്‌സി ഹെല്‍ത്ത് ആന്റ് യോഗ, ഒന്ന്, രണ്ട് സെമസ്റ്റര്‍ ബി.ടെക്, എംബിഎ പരീക്ഷകളെല്ലാം ഒന്നിടവിട്ട ദിവസങ്ങളിലാണ് നിശ്ചയിച്ചിട്ടുള്ളത്. ഈ രണ്ടുതരത്തിലുള്ള തീരുമാനത്തിനെതിരേയാണ് പ്രതിഷേധമുയര്‍ന്നിരിക്കുന്നത്. ദൂരെ നിന്നു യാത്ര ചെയ്തു പരീക്ഷ എഴുതാനെത്തുന്ന വിദ്യാര്‍ഥികള്‍ക്ക് അടുത്ത പരീക്ഷയ്ക്ക് സാവകാശം നല്‍കാത്ത നടപടിയാണ് പരീക്ഷാഭവന്‍ അധികൃതര്‍ കൈക്കൊണ്ടിരിക്കുന്നതെന്നും പരാതിയുണ്ട്. ഈ സാഹചര്യത്തില്‍ ഗവ. ലോ കോളജുകളിലെ വിദ്യാര്‍ഥി പ്രശ്‌നം ഉന്നയിച്ച് എസ്എഫ്‌ഐ സര്‍വകലാശാലാ അധികൃതരെ സമീപിച്ചിട്ടുണ്ട്. സര്‍വകലാശാലാ കലോല്‍സവ നടത്തിപ്പുമായി ബന്ധപ്പെട്ടാണ് തുടര്‍ച്ചയായ ദിവസങ്ങളില്‍ പരീക്ഷ നടത്താന്‍ തീരുമാനിച്ചതെന്നാണ് ഔദ്യോഗിക വിശദീകരണം.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss