|    May 25 Thu, 2017 10:50 am
FLASH NEWS

തീവ്രവാദ സംഘടനകളുടെ വളര്‍ച്ചയ്ക്കു സഹായം ചെയ്യുന്നു; പാകിസ്താനെതിരേ അഫ്ഗാന്‍ യുഎന്നില്‍

Published : 23rd June 2016 | Posted By: SMR

കാബൂള്‍: പാക് സര്‍ക്കാര്‍ അയല്‍രാജ്യങ്ങളുടെ പരമാധികാരം ലംഘിക്കുന്നതായി അഫ്ഗാന്റെ യുഎന്‍ സ്ഥിര പ്രതിനിധി മഹ്മൂദ് ശെയ്ഖല്‍ യുഎന്‍ രക്ഷാസമിതിയില്‍ ആരോപിച്ചു.
പാക്-അഫ്ഗാന്‍ അതിര്‍ത്തി കവാടമായ തോര്‍ഖാമില്‍ പുതിയ പ്രതിരോധമേഖല നിര്‍മിക്കാന്‍ പാകിസ്താന്‍ ശ്രമം നടത്തിയതും തുടര്‍ന്നുണ്ടായ സംഘര്‍ഷങ്ങളും അദ്ദേഹം ചൂണ്ടിക്കാട്ടി. ഇത്തരം നടപടികളിലൂടെ അയല്‍രാജ്യങ്ങളെ പാകിസ്താന്‍ പ്രകോപിപ്പിക്കുകയാണ്. പാകിസ്താന്‍ തീവ്രവാദ സംഘടനകളുടെ വളര്‍ച്ചയ്ക്കു സഹായം ചെയ്യുന്നതായും പാകിസ്താന് ആണവക്കരാറോ എഫ്-16 വിമാനങ്ങളോ അല്ല, മറിച്ച് രാഷ്ട്രീയമായ ഇച്ഛയാണ് വേണ്ടതെന്നും ശെയ്ഖല്‍ പറഞ്ഞു.
താലിബാന്‍ നേതാവ് മുല്ല അക്തര്‍ മന്‍സൂര്‍ കൊല്ലപ്പെട്ടത് പാകിസ്താനിലെ ബലൂചിസ്താന്‍ പ്രവിശ്യയില്‍ വച്ചാണ്. മന്‍സൂറിന് പാകിസ്താനില്‍ വ്യാജപേരില്‍ പാസ്‌പോര്‍ട്ട് ഉണ്ടായിരുന്നു. ഇതുപയോഗിച്ച് പലതവണ അദ്ദേഹം യാത്രകള്‍ നടത്തിയിട്ടുണ്ട്. ഈ സംഭവം കാണിക്കുന്നത് പാകിസ്താന്‍ സര്‍ക്കാര്‍ ഇതെല്ലാം കണ്ടില്ലെന്ന് നടിച്ചെന്നതാണ്.
ബിന്‍ലാദിന്‍, താലിബാന്‍ നേതാക്കളായ മുല്ല ഉമര്‍, മന്‍സൂര്‍ തുടങ്ങിയവരെല്ലാം ജീവിച്ചതും മരിച്ചതും പാകിസ്താനിലാണ്- ശെയ്ഖല്‍ ആരോപിച്ചു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day