|    Sep 22 Sat, 2018 9:01 pm
FLASH NEWS
Home   >  Todays Paper  >  page 9  >  

തീവ്രവാദ ബന്ധം : പാകിസ്താന്‍ 5,000 അക്കൗണ്ടുകള്‍ മരവിപ്പിക്കുന്നു

Published : 4th June 2017 | Posted By: fsq

 

ഇസ്‌ലാമാബാദ്: തീവ്രവാദബന്ധം ആരോപിച്ച് പാകിസ്താന്‍ 5,000 അക്കൗണ്ടുകള്‍ മരവിപ്പിക്കുന്നു. 30 ലക്ഷം ഡോളര്‍ നിക്ഷേപമുള്ള അക്കൗണ്ടുകളാണ് മരവിപ്പിക്കുന്നത്. തീവ്രവാദത്തിന് പ്രോല്‍സാഹനം നല്‍കുന്ന രാജ്യങ്ങളുടെ പട്ടികയില്‍ ഉള്‍പ്പെടാതിരിക്കാനാണു നടപടി. ഭീകരവാദത്തിന് ധനസഹായം നല്‍കുന്നത് തടയുന്നതില്‍ നടത്തിയ പ്രവര്‍ത്തനങ്ങളുടെ അടിസ്ഥാനത്തില്‍ 2015ല്‍ പാകിസ്താനെ പരിശോധനയില്‍ നിന്ന് ഒഴിവാക്കിയിരുന്നു. എന്നാല്‍, നിരോധിത സംഘടനയായ ലശ്കറെ ത്വയിബ അടക്കമുള്ളവര്‍ പുതിയ പേരുമായി രംഗത്തെത്തിയ സാഹചര്യത്തില്‍ പ്രവര്‍ത്തനം ദുഷ്‌കരമായേക്കുമെന്നാണു വിലയിരുത്തല്‍. അടുത്ത മാസം സ്‌പെയിനില്‍ ചേരുന്ന യോഗത്തില്‍ ഫിനാന്‍ഷ്യല്‍ ആക്ഷന്‍ ടാസ്‌ക് ഫോഴ്‌സ് തീവ്രവാദത്തെ സഹായിക്കുന്ന രാജ്യങ്ങളുടെ പുതുക്കിയ പട്ടിക പ്രസിദ്ധീകരിക്കും. 1989ല്‍ ആരംഭിച്ച സംഘടന വേള്‍ഡ് ട്രേഡ് സെന്റര്‍ ആക്രമണത്തെ തുടര്‍ന്ന് അതിന്റെ പ്രവര്‍ത്തനം സായുധസംഘങ്ങള്‍ക്ക് ധനസഹായം നല്‍കുന്നവര്‍ക്കെതിരേയും വ്യാപിപ്പിച്ചിരുന്നു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss